Bathu banjinji ba ka kongwa ne ku thama kuti mbakiso i be po mu shango, kakale ba nowo dwilila be kongwa ne mabaka a no tobela:

•   “Akute kuli mu nthu kuti alaule thambo dzidze.” (Jeremiya 10:23) Bathu ha ba zo bumbiwa ba na bukhoni kene fanilo ye ku zwibusa, ndizo ba si nga ke ba ka khona ku be ne mbakiso.

•   “Usigalebgwe mu bakololo be bushe, mu bathu ibo basina bhatsho. Ha meya yabo ithubukana nabo banobgwilila mu mavu muna ilelo zhuba mazwimisilo abo anopela.” (Pisalema 146:3, 4) Batungamili be mibuso, kose ne ibabo ba na mazwimisilo a ka lulwama, ha ba nga pedzise choselele zwi no thama ngwa.

•   “Kowobe nge misi yakabangalala mu mazhuba e bupelo. Ngobe bathu banowobe . . . ne bushongola ne kusazwiibhata ne kube ne bushongola ne kusada bubuya ne kube mapitipiti ne kube matjapa ne kuzwibona.” (2 Timoti 3:1–4) To chila mu “mazhuba e bupelo” e njendiso ye shango iyeyi ya ka bipa, ye mazwibato a no thama kuti ku sime ku be ne mbakiso.

•   “Shango yapalala ne gungwa gwapalala! Ngoti Satani wazha pasi kumuli alizhele bushongola, ngoti unoziba kuti wasaligwa nge tjibaka tjifutshwanana!” (Zumbunulo 12:12) Diabolo, chita che Ndzimu, u no laula shango ne ku thama kuti bathu ba thame zwithu zwizwe zwa ka bipa. Ha Satani a chi “mbusi we shango ino,” ha ti nga chile ne mbakiso.—Johani 12:31.

•   “[Mbuso we Ndzimu] unowokunda mibuso iyeyo yose [inonyanyaidza Ndzimu] ukailobesa, koga iwo unowogalila tjatjose.” (Daniele 2:44) Bushe gwe Ndzimu ndigo gu nowo gutsha njemulo dzedu dze mbakiso mu shango yose chachose, isini mbuso we bathu.—Pisalema 145:16.