Baibili i no lakidza kuti Ndzimu ha a zo bumba Diabolo. Mu bumo gwa ichecho, wa ka bumba nthu wa ka zwishandula Diabolo. Ha i leba ne kwe Ndzimu, Baibili i noti: “Nshingo uwe wakapelela, ngoti zila dzidze dzose dzakatambunuka. Ndzimu we kugagwabgwe usina jinyo; wakatambunuka wakalulwama.” (Ditironomi 32:3-5) Se kwa ku no legwa, ti nga duma kuti Satani Diabolo wa ka tongo be a li nthu wa ka tambunuka ne ku lulwama, a li nngwe we bakololo be Ndzimu be baengele.

 Mu na Johani 8:44, Jesu wa kati Diabolo “haana chingwe nge malebeswa,” e dwa kuti Satani wa ka tongo be ne malebeswa a si na nlandu.

 Ne kwa ka jalo, koga se lubumbo gwa Jehova gwe baengele ba ka chenjela, n’engele wa ka zwishandula Satani wa ka be a nga zwishalulila cha ka lulwama ne chi sa ka lulwama. Ku be a ka nyanyayidza Ndzimu ne ku thama kuti bathu be kutanga ba nsale shule, wa ka zwishandula Satani, ku no dwa “U singa dumane ne chingwe.”—Genesisi 3:1-5; Zumbunulo 12:9.