ZWE BA KA LOBOLANA
4: Mazwibatigwa
CHA KU NO DWA
Ku zwibatigwa ko dwa ku dusa mu moyo nlandu ne mazwiwo e hwisiwa zogwadza kwa wa thamigwa. Mazwibatigwa ha a to dwa kuti u fumike nlandu se u ngati ha u zo shingikala.
NLAYONTEWO WE BAIBILI: “Yitilanani moyonlefu mu zwiibhatilane mu na tja mu no nenelana nge kwa tjo mu zwiibhatilane koga sa She se kwa ba ka mu zwiibatigwa.”—Bakolosa 3:13.
“Ha u da nthu, ha u tolingilila ku sa zwilizanila kukwe ngono linga nthu cha a no gwisa ku be icho.”—Aaron.
INI KU FANILA
Ha u bata nthu ne moyo, u nga zwikubadza mu mbili ne mu mazwiwo—kakale u nga chinya ndobolo iyo.
“Nlume Wangu wa ka tongo kumbila mazwibatigwa ne kwe chingwe cha ka ndi hwisa zogwadza kwazo. Kwa ka be kwa ka ndi simila ku nzwibatigwa. Nda ka pelela ndi nzwibatigwa, ngono ndo zwisola ku be ndi sa ka nzwibatigwa chinyolocho. Nda ka lechedzela zhoba i singa sheteke mu ndobolo yedu”—Julia.
CHA U NGA THAMA
ZWITHATHUBE
Ha u hwisiwa zogwadza ne chingwe cha legwa kene cha thangwa ne nkhwinya uwo we ndobolo, zwibuzwe:
‘Apa ndo pela moyo kwa ka pindilila?’
‘Apa nlandu nkukulukulu kwa ku no sheteka mazwibatigwa, kene ndi nga u dusa mu moyo koga?’
ZWIBATIGWANE
Ko tola chibaka chi ngapani kuti ti zwibatigwane?
Ti nga thamani kuti ti zwibatigwa ne chinyolocho?
GUMBULUDZO
Ha wa hwisiwa zogwadza, u si tongo alakana kuti nkhwinya uwo we ndobolo u na nkumbulo u sa ka lulwama.
Alakanila mazwibato e nkhwinya uwo we ndobolo, wa ka linga kuti “tose to ti ti ka pambuka ka njinji.”—Jakuba 3:2.
“Ku lelu ku zwibatigwa ha tose ti li nlandu, ngono kwa ka sima ha nlandu u li ntha ingompela. Ku amuchila mazwibatigwa ne ku zwibatigwa ko sheta ku zwiyesa pasi ne malebeswa.”—Kimberly.
NLAYONTEWO WE BAIBILI: “Tjimbidza u gadzane ne u na nlandu nawe.”—Matewu 5:25.
Ha u bata nthu ne moyo, u nga zwikubadza mu mbili ne mu mazwiwo—kakale u nga chinya ndobolo iyo
