Babusi be shango ne makubungano e shango ba ka kongwa ku thama mbakiso. Ngwenu, ku na dzinghwa ne ku sa wanana kunjinji chinga kwe nghwa ye World War II. Ku nga be bathu ba li 2 billion​—ili kotara ye palo ye bathu bose mu shango—​ba no chilila mu zwimo zwi sina mbakiso.

 Ini bathu ba singa khone ku be ne mabakiso? Baibili i ka tini?

1.  1. Bathu ba no zwibata ne zila i no ba dzibila ku be ne mbakiso. Baibili ya ka lebela mbeli kuti mu chibaka cha ngwenu, “bathu [banowobe] nge kuzwida, ne kuda mari, ne kuzwiloba ifuba, ne kuzwikudza, . . . ne kutukana, . . . ne kusatenda, . . . ne kusazwibhata, ne kube ne bushongola, . . . ne kusada bubuya, ne kuzwibona.”​—2 Timoti 3:2-4.

2.  2. Bathu, ne bukwabo ne ba li mbunga, ha ba to khona ku baakanya mathatha abo ba singa batshiwe ne Mbumbi wabo, Jehova a Ndzimu. Baibili i no lakidza kuti “zila ye nthu aazoibiga munli kuti akute kuli mu nthu kuti alaule thambo dzidze.”​—Jeremiya 10:23.

3.  3. Shango i no lawugwa ne mbusi wa ka bipa kakale a ka sima, Satani Diabulu, i li “ntjengeli we shango yose.” (Zumbunulo 12:9) Ha koga “shango yose i li musimba le mbiimbi,” kowobe ne dzinghwa ne ku sa wanana.​—1 Johani 5:19.

 Baibili i no ti thembesa kuti mbakiso i nowo be po, i si ne simba le nthu ngono ne simba le Ndzimu.

•   “‘Ngoti ndoziba ndongoloso ya ndinayo nge kwenyu,’ kojalo Yahwe, ‘ndongoloso yekumuthama kuti mubhudilile, kusi kumuthamila tjakabipa, ndongoloso ye kumugadzabgwe ne kube ne bumangwana.’”​—Jeremiya 29:11.

 Ndzimu U nowo shingikadza ichecho chini? “Ndzimu unotipa kunyalala unowotjimbidza wakanyanga Satani.” (Baroma 16:20) Ndzimu U nowo shingisa bushe gwe kudzimu, gu no dangwa ne Baibili kuyi “Bushe gwe Ndzimu,” ku zhisa mbakiso mu shango yose. (Luka 4:43) Jesu Kirisiti, She we Bushe igogu, u nowo diya bathu se kwa ba nga chila ba na mbakiso.​—Izaya 9:6, 7.

•   Ku ziba kwa ka paphidzika, bala nsholo u noti “Bogosi Jwa Modimo bo Tla Fitlhelela Eng?”