Ɛzɩ Yehowa Aseɣɖe Tɩnaa kiziɣ se pataaɖaɣ-wɛ?
Aayɩ. Yehowa Aseɣɖe Tɩnaa iikiziɣ se pataaɖaɣ-wɛ. Pamaɣzɩɣ se paa Krɩstʋ tʋ weyi pɩwɛɛ se ɛkpaɣ lɩmaɣza ɖatʋ hɔɔlʋʋ taa. Yehowa Aseɣɖe Tɩnaa sakɩyɛ lɩzɩɣ se paɖaɣ-wɛ.
Ðɩsɔɔlɩ kʋdɔmɩŋ waʋ nʋmɔŋ kɩbaŋ nɛ ɖa-taa labɩ leleŋ se lɛɣtʋ ñɩnɩyaa ɖɛnɩ ɛsɩndaa kɔɔ labʋ nʋmɔʋ taa se paa kʋdɔŋ nakʋyʋ ɛkpa ɛyʋ yɔ pɩtaakɩlɩ-ɩ. Ðɩwɛɛnɩ ɛsɩmɩyɛ kpem tʋmɩyɛ sɔsɔɖɛ nɛ pana wena ɖɔkɔtɔnaa ñakɩ kɔzɩ kɔzɩ kʋdɔmɩŋ sɔsɔŋ alɩwaatʋ taa.
Yehowa Aseɣɖe Tɩnaa nɛ ɖɔkɔtɔnaa ñʋndɩnaa panɩɣnɩ ɖama. Kɩɖaʋ nakʋyʋ yɔ: Kpaɣnɩ alɩwaatʋ ndʋ COVID-19 kʋdɔŋ paɣzaa yɔ, Yehowa Aseɣɖe Tɩnaa lɩzɩ tɔm ñʋŋ kʋnʋmɩŋ mɩnɩŋ sakɩyɛ taa ɖɛ-tɛ intɛrnɛɛtɩ lone ɖɩnɛ ɖɩ-yɔɔ nɛ iseɣtiɣ ɛyaa se pɔɖɔ COVID-19 kʋdɔŋ paɣtʋ ndʋ paɖʋwa yɔ tɩ-yɔɔ. Tɔm ñʋŋ ɛnɩ ɩ-taa peseɣti-ɖʋ se ɖɩɖɔ paɣtʋ ndʋ paɖʋwa se ɖitaakpeɣliɣ ɖama sakɩyɛ, ɖiposuuni ɖama, ɖɩsaŋɩɣ ɖe-nesi ɖoŋ ɖoŋ, ɖihuuzuu ɖɔ-mɔɔŋ nɛ ɖɔ-nɔsɩ yɔɔ nɛ paɣtʋ lɛɛtʋ ndʋ ñʋndɩnaa ɖʋwa yɔ tɩ-yɔɔ.—Roma mba 13:1, 2.
Pɩnzɩ sakɩyɛ yɔ, Yehowa Aseɣɖe Tɩnaa ñɩkɩɣ niye tɔm tʋnɛ tɩ-yɔɔ pa-takayɩsɩ taa:
Kʋdɔmɩŋ waʋ nʋmɔʋ taa lɛ, paa weyi pɩwɛɛ se ɛkpaɣ lɩmaɣza.—Galaatii mba 6:5.
« [Takayaɣ kanɛ] kaayɔɔdʋʋ se kɔyɛ labʋ nʋmɔʋ nakʋyʋ wɛ ɖeu nɛ kɩkɩlɩ lɛɛkʋ nɛ kaatasɩɣ lɔŋ nɩɩyɩ ɖɔɖɔ hɔɔlʋʋ ŋgʋ kɩ-taa. Kawɩlɩɣ toovenim tɔm hɔɔlʋʋ kʋnɛ kɩ-taa, nɛ mba pakalɩɣ-kɛ yɔ pa-maɣmaɣ pɩwɛɛ se pɛsɛtɩ pa-tɩ tɔm. »—Réveillez-vous! 8 Fevrier 1987.
« Ye pɩwɛɛ se paɖaɣ ñɔ-hɔʋ taa mba yaa pataaɖaɣ-wɛ yɔ, ña pɩwɛɛ se ŋsɛtɩ ña-tɩ tɔm. »—Réveillez-vous ! 8 août 1993.
Ðɩsɔɔlaa se pawaa ɖa-kʋdɔmɩŋ mbʋ pʋyɔɔ wezuu mʋ ñɩm ɖɛ-ɛsɩndaa siŋŋ.—Tʋma Labʋ 17:28.
« Yehowa Aseɣɖe Tɩnaa woki ɖɔkɔtɔnaa cɔlɔ se pasɩnɩ-wɛ ye pɩwɩɣ-wɛ yɔ. Pɔsɔɔlaa se pacaɣ wezuu, pʋyɔɔ palakɩ mbʋ pɩtʋʋzaa nɛ pɩlabɩ nɔɔ kʋɖʋmaɣ nɛ Bibl yɔ se pɩsa nɛ pacaɣ wezuu nɛ pɩɖaɣlɩ.»—Feŋuu Tilimiye, 1er octobre 1975 (Fransɩɩ taa).
«Yehowa Aseɣɖe Tɩnaa tisiɣ faaa se ɖɔkɔtɔnaa ɩlabɩ-wɛ kɔyɛ nɛ pawaa pa-kʋdɔmɩŋ. Ðɩsɔɔlaa se ɖɩwɛɛnɩ tɔnʋʋ taa alaafɩya nɛ ɖɩcaɣ wezuu nɛ pileɖi. Toovenim taa lɛ, Yehowa Aseɣɖe Tɩnaa nabɛyɛ kɛ fɛɖaa ɛzɩ kajalaɣ pɩnzɩ mɩnʋʋ taa Krɩstʋ tʋ Luka kaakɛʋ fɛɖʋ ɖɔɖɔ yɔ. . . . Yehowa Aseɣɖe Tɩnaa wɛnɩ ɛsɩmɩyɛ tʋmɩyɛ sɔsɔɖɛ nɖɩ ɖɔkɔtɔnaa ha pa-tɩ faaa nɛ palakɩ yɔ ɖɩ-yɔɔ. Pɛwɛnɩ ɛsɩmɩyɛ ɖɔɖɔ alɩwaatʋ ndʋ ɖɔkɔtɔnaa mba, pasɩɣnɩ-wɛ se pɛwɛɛnɩ tɔnʋʋ alaafɩya yɔ pɩ-yɔɔ. »—Feŋuu Tilimiye, 1er Février 2011 (Fransɩɩ taa).
Kalɩ ɖɔɖɔ....
TƆM NDƲ ƐYAA PƆZƲƲ ÐOŊ ÐOŊ ÐƆ-YƆƆ YƆ
Yehowa Aseɣɖe Tɩnaa woki ɖɔkɔtɔ?
Ɛyaa nabɛyɛ maɣzɩɣ se Yehowa Aseɣɖe Tɩnaa iiwoki ɖɔkɔtɔ. Toovenim na?
TƆM ÑƲŊ LƐƐŊ
Ɛzɩma ŋpɩzɩɣ nɛ ŋlʋbɩnɩ kʋdɔmɩŋ kɩɖɛɖɛŋ
Ye kʋdɔmɩŋ kɩɖɛɖɛŋ etukuni-ŋ yɔ, ɛzɩma ŋpɩzɩɣ nɛ ŋkandɩyɩ ñɔ-yɔɔ tomnaɣ yɔɔ, lɩmaɣza taa nɛ fezuu taa?
ƐYAA MBA ÐƖKƐNAA?
Pɔzɩ se nɔɔyʋ ɛkɔɔ nɛ ɛna-ŋ
Pɔzɩ tɔm natʋyʋ pɩlɩɩnɩ Bibl yɔɔ yaa pɔzɩ nɛ ŋtɩlɩ Yehowa Aseɣɖe Tɩnaa yɔɔ tɔm nɛ pɩkpaɖɩ.