Ɛbɛ pɩzɩɣ nɛ pɩkɔnɩ koboyaɣ hɔʋ taa?
Ŋmaɣzɩɣ se . . .
-
sɔɔlɩm na?
-
liidiye na?
-
yaa nabʋyʋ yem?
NDƲ BIBL YƆƆDƲƲ YƆ
“Mba panɩɣ Ɛsɔ tɔm nɛ pɔɖɔŋ tɩ-yɔɔ yɔ, mba pɛkɛnɩ koboyaɣ tɩnaa siŋŋ.”—Luka 11:28, Takayaɣ kiɖeɖea verbum bible.
ƐZƖMA TƆM TƲNƐ TƖPƖZƖƔ NƐ TƖWAZƖ-Ŋ?
Ŋhikiɣ sɔɔlɩm siŋŋ ñɔ-hɔʋ taa.—Efɛɛzɩ 5:28, 29.
Ñamtʋ siŋŋ wɛɣ ñɔ-hɔʋ taa.—Efɛɛzɩ 5:33.
Ŋhikiɣ pɛɛyɛ siŋŋ ñɔ-hɔʋ taa.—Maarkɩ 10:6-9.
ÐƖPƖZƖƔ NƐ ÐITISI SE BIBL TƆM KƐ TOOVENIM NA?
Ɛɛɛ; ɖɩyɔɔdɩ lɩmaɣza naalɛ ɖeke tɔm:
-
Ɛsɔ cɔlɔ hɔʋ lɩnaa. Bibl tɔm se Ɛsɔ Yehowa cɔlɔ “paa cajayɛ nɖɩ” yaa paa hɔʋ ŋgʋ lɛ kɩlɩnaa. (Efɛɛzɩ 3:14, 15) Ye mbʋ, hɔʋ kɛnɩ Yehowa ɖʋtʋ na, mbʋ pʋyɔɔ yɔ ɛnʋ lɩzɩnɩ-kʋ. Ɛbɛ yɔɔ tɔm tʋnɛ tɩcɛyaa?
Ðɩkpaɣ kɩɖaʋ kʋnɛ: Ye ŋtɔɔ tɔɔnaɣ kɩbaŋa nakɛyɛ nɛ kɛkɛdɩnɩ-ŋ nɛ ŋcaɣ se ŋtɩlɩ mbʋ palabɩnɩ-kɛ yɔ, anɩ pɩwɛɛ se ŋpɔzɩ? Pɩtʋʋ fɛyɩ se weyi ɛlabɩ-kɛ yɔ, yaa we?
Mbʋ ɖɔɖɔ ye ɖɩñɩnɩɣ se ɖɩtɩlɩ mbʋ pɩhaɣ koboyaɣ hɔʋ taa yɔ, Yehowa weyi ɛ-cɔlɔ hɔʋ lɩnaa yɔ, ɛnʋ pɩwɛɛ se ɖɩpɔzɩ.—Kiɖe Tɛɛ Tɔm 2:18-24.
-
Ɛsɔ maɣzɩɣ ñɔ-yɔɔ siŋŋ. Pɩwɛɣ ɖeu se hɔŋ ɛtɩŋnɩ Bibl yɔɔ nɛ ɩñɩnɩ Yehowa cɔlɔ lɔŋ tasʋʋ. Ɛbɛ yɔɔ? “Mbʋ pʋyɔɔ yɔ ɛcɔŋnɩ mɩ-yɔɔ.” (1 Pɩyɛɛrɩ 5:6, 7) Yehowa ñɩnɩɣ se piɖeni-ŋ ñe-wezuu caɣʋ taa,—pʋyɔɔ ɛtasɩɣ-ŋ lɔŋ kɩbaŋ paa ɖooye!—Aduwa 3:5, 6; Izaayii 48:17, 18.
MAƔZƖ TƆM TƲNƐ TƖ-YƆƆ
Ɛbɛ ŋpɩzɩɣ ŋla nɛ ŋkɛnɩ walʋ, halʋ, caja yaa ɖoyo kɩbanʋ?
Bibl cosi tɔm tʋnɛ tɩ-yɔɔ EFƐƐZƖ 5:1, 2 nɛ KOLOOSI 3:18-21 taa.
Kalɩ ɖɔɖɔ....
ƐYAA MBA ÐƖKƐNAA?
Ɛbɛ yɔɔ pɩwɛɛ se ɛyʋ ɛkpɛlɩkɩ Bibl?—Kɩɖaɣlʋʋ
Bibl sɩnɩ ɛyaa miiliyɔɔwaa sakɩyɛ ɛjaɖɛ kpeekpe yɔɔ nɛ panɩɩ tɔm kɩcɛyɩtʋ ndʋ pɔpɔzʋʋ pa-tɩ yɔ, tɩ-taa. Ŋsɔɔlaa se ŋkɛ pa-taa nɔɔyʋ na?
ƐYAA MBA ÐƖKƐNAA?
Pɔzɩ se nɔɔyʋ ɛkɔɔ nɛ ɛna-ŋ
Pɔzɩ tɔm natʋyʋ pɩlɩɩnɩ Bibl yɔɔ yaa pɔzɩ nɛ ŋtɩlɩ Yehowa Aseɣɖe Tɩnaa yɔɔ tɔm nɛ pɩkpaɖɩ.
