Bibl mayʋ Luka kaayɔɔdɩ tɔm ndʋ ɛma Yesu yɔɔ yɔ tɩ-tɔm se: “Mɔnpɔzɩ camɩyɛ siŋŋ mbʋ mbʋ pɩlabɩ ɖooo kiɖe tɛɛ yɔ.”—Luka 1:3.

 Nabɛyɛ yɔɔdʋʋ se Yesu wezuu caɣʋ tɔm ndʋ pɛkɛdɩ Evaŋgilimwaa taa, pʋ-tɔbʋʋ lɛ se tɔm ɛ-tɛ alɩwaatʋ taa ɛyaa Maatiyee, Maarkɩ, Luka nɛ Yohanɛɛsɩ pamawa yɔ, paca tɩ-taa lɩm pɩnzɩ 300 waa taa mbʋ yɔ.

 Ɛlɛ pɔkɔm nɛ pana Yohanɛɛsɩ tɛ Evaŋgilim takayaɣ hɔɔlaɣ kɩbaŋa nakɛyɛ Egipiti tɛtʋ taa pɩnzɩ 1900 waa ɖɩbazɩyɛ taa. Paya-kɛ pʋwayɩ se Papyrus Rylands 457 (P⁵²); pasɩ-kɛ takayɩsɩ ɖɩzɩyɛ ɖaŋ ŋgʋ payaɣ se John Rylands yɔ, kɩ-taa Manchester, Aŋgletɛɛrɩ ɛjaɖɛ taa. Tɔm ndʋ tɩwɛ Yohanɛɛsɩ 18:31-33, 37, 38 taa ɖɛ-tɛ Biblwaa taa yɔ, ndʋ wɛnɩ takayaɣ ŋga ka-taa.

 Grɛɛkɩ Masɩ takayɩsɩ kɩbɩnzɩ taa lɛ, ŋga kɩlɩnɩ pɩnʋʋ sɩ-tɩŋa. Bibl taa tazɩyaa sakɩyɛ maɣzɩɣ se pama-kɛ pɩnaɣ 125 taa mbʋ yɔ; pʋ-tɔbʋʋ lɛ se pama kajalaɣ ñɩŋga nɛ pɩla pɩnzɩ 25 yeke lɛ, pama takayaɣ kanɛ. Takayaɣ ŋga pehiɣaa yɔ, ka-taa tɔm labɩ nɔɔ kʋyʋmaɣ ɖeyi ɖeyi nɛ nzɩ pama pʋwayɩ yɔ sɩ-taa tɔm.