TIMEƔRI 2
Anwa i d Ṛebbi?
1. Ayɣer i glaq a neɛbed Ṛebbi?
D Ṛebbi i d-ixelqen kullec. Ur yesɛi tazwara yerna d lmuḥal ad isɛu taggara. (Ahellil 90:2) Sɣur Ṛebbi i d-kkan lexbaṛat yessefṛaḥen i neţţaf deg Wedlis Iqedsen. (1 Timutawus 1:11) D Ṛebbi daɣen i ɣ-d-yefkan tudert. D neţţa kan ihi i glaq a neɛbed.—Ɣer Aweḥḥi 4:11.
2. Amek yemmug (iga) Ṛebbi?
Ulac amdan i gwalan Ṛebbi, axaṭer Ṛebbi d ṛṛuḥ. (Ṛṛuḥ d ṣṣenf n tudert yugaren tin n lɛibad. Leṛwaḥ ur sɛin ara lǧeţţa n weksum yerna ur ţɛicin ara ɣef lqaɛa.) (Yuḥenna 1:18; 4:24) Acu kan, nezmer a nefhem seg wayen akk i d-yexleq, amek i geţxemmim d wayen swayes i geţḥussu. Ɣef lemtel, leṣnaf n ijeǧǧigen d lfakyat yellan ţbegginen-d belli Ṛebbi yeččuṛ d leḥmala akk-d lekyasa. Temɣer n igenwan d lqaɛa teţcehhid-ed belli meqqret tezmert-is.—Ɣer Iṛumaniyen 1:20.
Nezmer a nelmed aṭas n leḥwayeǧ ɣef Ṛebbi m’ara neqqar Adlis Iqedsen. Ɣef lemtel, yeţmal-aɣ-d ayen i gḥemmel d wayen ur iḥemmel ara, amek i sen-ileḥḥu i yemdanen d wayen i gxeddem di yal liḥala.—Ɣer Ahellil 103:7-10.
3. Ṛebbi yesɛa isem?
Ɛisa yenna-d: “A Baba-tneɣ yellan deg igenwan, isem-ik ad iţwaqeddes.” (Matta 6:9) Aṭas n imeslayen i d-yeţweṣṣifen Ṛebbi; acu kan, ḥaca yiwen n yisem i gesɛa. Isem-agi, mačči kifkif i geţwanṭaq si lluɣa ɣer tayeḍ. S teqbaylit qqaren-as “Yahwa.”—Tuffɣa 17:15.—Ɣer Ahellil 83:18, Traduction du monde nouveau.
Deg waṭas n ṭrejmat n Wedlis Iqedsen, kksen isem n Ṛebbi, rran deg wemkan-is imeslayen am Ssid, Ṛebbi yisem n Ṛebbi azal n 7 000 n tikkal. Ɛisa yesselmed i lɣaci isem-agi mi gella iheddeṛ-asen ɣef Ṛebbi.—Ɣer Yuḥenna 17:26.
neɣ Ameɣlal. Lameɛna, di zzman ideg yeţwakteb Wedlis Iqedsen, yeţwabder-ed deg-sWali bidyu Ṛebbi yesɛa isem?
4. Yeţḥebbiṛ fell-aneɣ Yahwa?
Am ubabat-agi yeččuṛen d leḥmala, Ṛebbi yebɣa-yaɣ lxiṛ ara idumen.
Aṭas n lemḥayen i gellan di ddunit. Eɛni ayagi d ţţbut belli Yahwa ur yeţḥebbiṛ ara fell-aneɣ? Kra qqaren-as belli Ṛebbi yeţɛeţţib-aɣ bac a ɣ-ijeṛṛeb, acu kan ayagi d lekdeb.—Ɣer Yeɛqub 1:13.
Ṛebbi iɛuzz imdanen imi i sen-yefka tilelli di lxetyaṛ-nsen. Nefṛeḥ mliḥ s tlelli-yagi. Nezmer a nextiṛ a neɛbed Ṛebbi! (Yacuɛa 24:15) Acu kan, aṭas n yemdanen ţţextiṛin ad xedmen cceṛ i lɣir-nsen. Ɣef wayagi i llant waṭas n lemḥayen. Yahwa yeḥzen m’ara yeţwali annect-a n lbaṭel.—Ɣer Laṣel n ddunit 6:5, 6.
Yahwa yeţḥebbiṛ fell-aneɣ. Yebɣa a nɛic d iseɛdiyen. Qrib ad yekkes lemḥayen akk-d wid yellan d ssebba-nsent. Meɛna taswiɛt-a, yesɛa ssebba i t-yeǧǧan a sent-iɛemmed ad ilint kra n lweqt. Timeɣri tis 8 a ɣ-tesselmed d acu-ţ ssebba-yagi.—Ɣer 2 Buṭrus 2:9; 3:7, 13.
5. Amek ara nqerreb ɣer Ṛebbi?
Yahwa iɛreḍ-aɣ-d a nqerreb ɣur-es s tẓallit. Yeţţak azal i mkul yiwen deg-neɣ. (Ahellil 65:3; 145:18) Yewǧed a ɣ-isemmeḥ. Yeţţarra lbal-is ɣer lmeǧhud i nxeddem akken a s-neɛǧeb, ɣas ma yella ur nessawaḍ ara daymen. Ɣas akka ur nekmil ara, nezmer a nili d iḥbiben n Ṛebbi.—Ɣer Ahellil 103:12-14; Yeɛqub 4:8.
D Yahwa i ɣ-d-yefkan tudert. Ilaq-aɣ ihi a t-nḥemmel akteṛ akk n wayen nniḍen. (Marqus 12:30) Amek ara d-tessekneḍ belli tḥemmleḍ Ṛebbi? M’ara teţnadiḍ a t-tissineḍ yerna txeddmeḍ ayen i d-yeṭṭalab. Akka, cwiṭ cwiṭ aţ-ţeţqerribeḍ ɣur-es.—Ɣer 1 Timutawus 2:4; 1 Yuḥenna 5:3.