No nagbalinen nga agibumbunannag ti maysa, bigbigenna a mabalin nga usaren ti sangalubongan a narelihiosuan nga organisasion dagiti Saksi ni Jehova—agraman dagiti kongregasion dagiti Saksi ni Jehova ken sanga nga opisina iti dayta a pagilian, ken dagiti umasping nga organisasion dagiti Saksi ni Jehova—dagiti personal nga impormasionna para kadagiti bambanag mainaig iti relihion no la ket ta ipalubos ti linteg. Kas mabasa iti Organisado a Mangaramid iti Pagayatan ni Jehova, situtulok nga ited dagiti agibumbunannag iti kongregasionda dagiti personal nga impormasionda tapno makaramanda kadagiti narelihiosuan nga aktibidad a konektado iti panagdaydayawda ken tapno maipaayanda iti naespirituan a tulong.—1 Pedro 5:2.

Mabalin a mangited dagiti agibumbunannag iti kanayonan a personal nga impormasion kadagiti Saksi ni Jehova bayat a makiramanda iti dadduma a narelihiosuan nga aktibidad. Mabalin a karaman iti dayta ti nagan, petsa ti pannakayanak, sekso, petsa ti bautismo, pangkontakan, wenno impormasion maipapan iti kasasaad ti espiritualidad, aktibidad iti ministerio, wenno aniaman a responsabilidad iti uneg ti organisasion dagiti Saksi ni Jehova. Karaman iti dayta dagiti impormasion maipapan iti narelihiosuan a patpatien ti agibumbunannag ken mabalin a karaman uray dagiti sensitibo nga impormasion. Mabalin a karaman iti panangusar iti personal nga impormasion ti panagkolekta, panangirekord, panangorganisar, panangurnos, ken panangidulin kadagita, ken kadagiti umasping a pakausaran dagita nga impormasion.

Ti Linteg Mainaig iti Pannakaprotektar Dagiti Impormasion ket:

General Data Protection Regulation (EU) 2016/679.

Babaen iti daytoy a Linteg Mainaig iti Pannakaprotektar Dagiti Impormasion, ipalpalubos dagiti agibumbunannag nga usaren dagiti Saksi ni Jehova dagiti personal nga impormasionda para kadagiti bambanag mainaig iti relihion, kas kadagitoy:

• pannakiraman iti aniaman a gimong ti lokal a kongregasion dagiti Saksi ni Jehova ken iti aniaman nga aktibidad wenno proyekto nga agkasapulan iti boluntario;

• pannakipaset kadagiti gimong, asamblea, wenno kombension a mairekord ken maibrodkas kas naespirituan nga instruksion para kadagiti Saksi ni Jehova iti intero a lubong;

• panangaramid iti aniaman nga asaynment wenno panangitungpal iti aniaman nga akem iti kongregasion, a karaman ti pannakaipaskil ti nagan ken asaynment ti agibumbunannag iti information board iti Kingdom Hall dagiti Saksi ni Jehova;

• pannakamantener ti Congregation’s Publisher Record card;

• panangipastor ken panangaywan nga ar-aramiden dagiti panglakayen dagiti Saksi ni Jehova (Aramid 20:28; Santiago 5:14, 15);

• panangilista kadagiti impormasion a pangkontakan a mausar no adda emerhensia.

Maidulin dagiti personal nga impormasion iti sumagmamano a panawen agingga a kasapulan dayta iti panggep a kas kadagiti nadakamat iti ngato wenno iti dadduma pay a legal a pakausaran dagita. No saan a kayat ti agibumbunannag a pirmaan ti form a Notice and Consent for Use of Personal Data, mabalin a saan a makita dagiti Saksi ni Jehova no kabaelanna ti umawat kadagiti annongen iti kongregasion wenno makiraman kadagiti narelihiosuan nga aktibidad.

No kasapulan wenno maitutop, mabalin a maipatulod dagiti personal nga impormasion iti aniaman nga organisasion a tumultulong kadagiti Saksi ni Jehova. Ammo dagiti agibumbunannag a dadduma kadagita ket mabalin nga adda kadagiti pagilian nga addaan kadagiti naiduma a paglintegan maipapan iti pannakaprotektar dagiti impormasion, a saan a kapada ti paglintegan iti pagilian a naggapuan ti impormasion. Nupay kasta, maawatan dagiti agibumbunannag nga asinoman a makaawat iti personal nga impormasionda, a mabalin a pakairamanan ti dadduma a organisasion iti sangalubongan a hedkuarter dagiti Saksi ni Jehova iti United States, ket usarenda laeng dagita nga impormasion maitunos iti Sangalubongan a Pagannurotan Dagiti Saksi ni Jehova iti Pannakaprotektar Dagiti Impormasion.

Adda kalintegan dagiti agibumbunannag a mangkita, agkiddaw iti pannaka-delete wenno restriksion iti pannakausar, ken mangsukat iti aniaman a kamali iti personal nga impormasionda nga adda kadagiti Saksi ni Jehova. Mabalin a bawyen dagiti agibumbunannag ti pammalubosda a mausar dagiti personal nga impormasionda iti masanguanan. No bawyen ti agibumbunannag ti pammalubosna a mausar dagiti personal nga impormasionna, adda latta kalintegan dagiti Saksi ni Jehova a mangusar iti dadduma a personal nga impormasion nga awan ti pammalubosna, maibatay iti legal a narelihiosuan a panggep iti panangmantener ken panangaywan kadagiti impormasion dagiti miembro dagiti Saksi ni Jehova iti intero a lubong wenno iti sabali pay a pagannurotan nga adda iti Linteg Mainaig iti Pannakaprotektar Dagiti Impormasion. Ammo dagiti agibumbunannag nga adda kalinteganda nga agreklamo iti autoridad a mangiwanwanwan iti pannakaprotektar dagiti personal nga impormasion iti pagilian a paggigiananda.

Maitunos iti Linteg Mainaig iti Pannakaprotektar Dagiti Impormasion, nangtulad dagiti Saksi ni Jehova iti nagduduma a pamay-an ken teknikal a panangannad kadagiti impormasion tapno maprotektaranda dagiti personal nga impormasion. Maawatan dagiti agibumbunannag a sumagmamano laeng nga autorisado a tattao ti makakita kadagiti personal nga impormasionda tapno maaramid dagiti panggep a nadakamat iti ngato.

Aniaman a saludsod iti maitutop nga opisial a mangay-aywan iti pannakaprotektar dagiti impormasion ket mabalin nga ipatulod iti email iti:

DataProtectionOfficer.GB@jw.org.

Maawatan dagiti agibumbunannag a ti pakabigbigan ken impormasion a pangkontakan iti mangay-aywan iti impormasion iti pagilian a paggigiananda, ken no agaplikar, iti representantena ken iti opisial a mangay-aywan iti pannakaprotektar dagiti impormasion, ket masarakan iti page a Dagiti Contact iti Pannakaprotektar Dagiti Impormasion nga adda iti jw.org.

Mabalin nga agbaliwbaliw dagiti pamay-anmi a mangusar kadagiti impormasion gapu kadagiti panagbalbaliw dagiti narelihiosuan nga aktibidadmi, ti linteg, wenno teknolohia. No man bilang kasapulan a suktan ti page a Pakausaran Dagiti Personal nga Impormasion, i-post-mi dagitoy a panagbalbaliw iti page tapno ammo dagiti agibumbunannag no ania nga impormasion ti alaenmi ken no kasanomi nga usaren dagita. Pangngaasiyo ta kanayon a kitaenyo daytoy a page tapno maammuanyo no adda panagbalbaliwna.