Mgbe a na-etinye ígwè n’ọmarịcha mmiri na-acha anụnụ anụnụ dị na Wọwik. Ígwè a ga-eme ka ihe dị iche iche ghara ịna-adaba n’ebe mmiri a na-esi asọfe.

Ebe e ji siment a gwara agwa na-agba n’ahụ́ paseeji. Isi otú a arụ ya na-eme ka a rụọ ya ngwa ngwa karịa nke a na-awụ awụ.

Ebe onye na-arụ ọrụ na ngalaba na-edekọ ihe ji kamera na-ese ihe ndị a na-arụ. Òtù Na-achị Isi nke Ndịàmà Jehova na-ele foto ndị a kwa izu ka ha mata otú ọrụ si na-aga.

Mgbe di na nwunye sí n’ebe ndịda Kalifonịa bịara na Tuzedo. Ha ga-arụ ọrụ na Ngalaba Na-ahụ Maka Ili Paịpụ Mmiri. Ha so n’ọtụtụ narị mmadụ ndị bịara ịrụ ọrụ na Wọwik. Ndị ọrụ na-esi na Tuzedo aga ọrụ na Wọwik. N’abalị mbụ n’ọnwa Ọgọst, narị ndị ọrụ ọhụrụ asaa na asaa wụchara na Tuzedo ịrụ ọrụ na Wọwik.

Mgbe ndị ọrụ ngo ji kren na-ebugo ahụ́ ụlọ èzí nke ụlọ obibi nke B. Ya bugochaa ya, ndị ọrụ etinyekọtazie ya ọnụ. Ụlọ obibi a bụ ụlọ obibi ikpeazụ e si otú a rụọ ahụ́ ya.

Ebe onye ọrụ ngo na-etinye paseeji si n’elu ga-ejikọta Ụlọ Obibi CH na D.

Ebe ndị na-achọ ala mma na-akụ ahịhịa n’ebe ndịda ụlọ obibi nke CH.

Ebe ndị ọrụ na-arụzigharị ọwa mmiri. Mmiri ga na-esi n’ọwa mmiri a na-asọba ná nnukwu olulu mmiri. A rụburu ya n’agbata afọ 1951 na afọ 1959. Ebe ọ bụ na mmiri na-ezokarị n’ebe a, ọwa mmiri a ga-eme ka idei mmiri ghara ịna-akpa Wọwik na ụlọ ndị dị gburugburu ebe ahụ aka ọjọọ.

Ka a ghara inwe ọtụtụ ndị n’ebe a na-arụ ọrụ, a rụrụ ọrụ ụfọdụ ma n’ụtụtụ ma n’abalị. Ọrụ ndị ahụ bụ ite ime ụlọ agba na ifuchi paịpụ ihe. Mgbe ndị na-arụ ọrụ n’ehihie bịara ọrụ, e kenyere ọtụtụ narị mmadụ ịrụ ọrụ malite n’elekere anya atọ nke ehihie ruo n’elekere anya abụọ nke ụtụtụ.

Ebe onye na-etinye ntụ oyi na-akụziri onye ọrụ ibe ya otú e si afụchi paịpụ ihe.

Mgbe a na-ete ígwè ndị ji paseeji si n’elu jikọta Ụlọ obibi nke B na Ebe A Na-arụzi Ihe agba.

Ebe ọtụtụ ndị ọrụ na-eche ụgbọala ga-ebu ha gaa ọrụ na Wọwik. Ọtụtụ ụgbọala na-ebu ndị ọrụ bịa, burukwa ha laa ma e mechie ọrụ.

Mgbe a na-akpụ mmadụ atọ só na-arụ ọrụ na Wọwik isi. A na-akpụ ihe karịrị narị mmadụ anọ isi kwa izu n’ebe a na-akpụ isi na Tuzedo, Wọwik, nakwa n’ebe a na-edosa ihe na Mọntgomeri.

Mgbe a na-arụ ebe ga na-eme ka ime ụlọ na-ekpọkwu ọkụ n’oge oyi, na-emekwa ka ime ụlọ na-ajụkwu oyi n’oge ọkọchị. Ihe a ga-eme ka a ghara ịna-emefu nnukwu ego n’ihe na-ajụ ụlọ oyi nakwa n’ihe na-ekpo ụlọ ọkụ. Ọ ga-emekwa ka ikuku ọjọọ ghara ịna-akpa ebe ahụ aka ọjọọ.

Ebe a bụ ebe a na-ebubata ngwá ọrụ dị iche iche a na-eji arụ ọrụ na Wọwik. E bubata ha, e tinye ha n’akpa ma buru ha gaa Wọwik.

Ebe mmadụ abụọ só na-arụ ọrụ na Wọwik na otu ezinụlọ bí na Wọwik na-eri nri. Ha bụ onye nke abụọ na onye nke atọ ma i si n’aka nri gụrụ gawa. Ọtụtụ Ndịàmà Jehova bí na Wọwik wepụtara ụlọ ha ka ọtụtụ ndị ọrụ biri na ha. Ọ bụkwa ihe ezinụlọ a ị na-ahụ ebe a mere.

Ebe otu onye ọrụ ji ihe e ji enyo sọfịa na-enyocha otú ala dị.

Mgbe e tinyechara windo ụlọ ebe ndị bịara ilegharị anya ga-anọ tupu e dugharịwa ha.

N’agbata ọnwa Mee na Ọgọst, a rụchara ahụ́ Ụlọ obibi nke B, kụchaakwa ya gbamgbam. Ụlọ obibi nke B bụ ụlọ obibi ikpeazụ a rụrụ. A rụchakwara paseeji niile si n’elu jikọta ụlọ na ụlọ. Ndị na-achọ ala mma malitekwara ịchọ ọtụtụ ala mma.