Ɛyinɛhi ku alɔ lɛ ɔka ō da lɛyikwu oyeeyi, owe, ikwū mla ɛcɔbu. Alɔ klla cɛgbá otabɔ lɛyikwu unwalu ɛyɛɛyɛyi bɛɛka ō lɛ ije nōo géē jɛ alɔ ō ya ɛgbá ku alɔ amāŋ ō lɛ eeye mla ɛbɔ ipu apɔlɛ ku alɔ. Ācɛ alɛwa le má ku Ubáyíbu i gē cila ōhī ku aɔka ku uwa foofunu ŋ, amáŋ ukɔ́ nōo yɔ ipu nu a gē ta uwa abɔ lā oyeeyi ku ɛ̄cī doodu. Ɛjɛɛji ācɛ lɔfu lɛ itene ŋma Ubáyíbu gla.

1. Aɔka nyá nɛ Ubáyíbu je ohi ku uwa a?

Ubáyíbu je ohi ku aɔka nyā: Ɛgɛnyá nɛ oyeeyi gbɔɔ a? Ɔdi wɛ itene ku oyeeyi a? Ɔdiya nɛ ācɛ gē má owe a? Ɔdi gē ya da ɔcɛ eko nɛ ó gekwu a? Ɔdaŋ ka ɛjɛɛji ācɛ dɔka ɛbɔ, ɔdiya nɛ ācɛ gē kpo ɛfu a? Ɔdi gáā ya ɛcɛ nyā ɛcɔbu a? Ubáyíbu ta alɔ ɔtu kwu ɔtu ō dɔka ohi ku aɔka nyā. Umiliyɔn ku ācɛ kē lɛ ohi ku aɔka nyā jé ɛ.

2. Ɛgɛnyá nɛ Ubáyíbu gáā ta alɔ abɔ jɔɔnyɛ oyeeyi ku ɛ̄cī doodu a?

Ubáyíbu gē je ɛnɛɛnɛ ukɔ́ lɛ alɔ. Ocabɔ, ó gē nwu apɔlɛ ɛgɛ néē géē lɛ eeye ɔkwɛyi a. Ó gē nwu alɔ ɔdā nɛ alɔ cika ō ya eko nɛ abɔ hɛ alɔ iyē mla ɛgɛ nɛ alɔ géē jɔɔnyɛ uklɔ ku alɔ. A géē nwu ɛlā nɛ Ubáyíbu ka lɛyikwu aikpɛyi ɛlā nyā mla aɔdā alɛwa ɔhá abɔ alɔ yɔ i klɔcɛ ɔkpá nyā tɔha a. A géē wa i má ɔkwɔɔkwɛyi ka “ɛ̄jɛ̄ɛ̄jī ɛlɔ̄ɔwɔicō [ɛjɛɛji ɛlā nōo yɔ ipu Ubáyíbu a] . . . tīile kéē le ɔ́ nwū ɛlā ɔkwɛyi.”​—2 Utímōti 3:16.

4. Ubáyíbu lɔfu cila ohi ku aɔka ku alɔ

 5. A lɔfu jɔɔnyɛ ō jé Ubáyíbu

6. Ācɛ ɔhá lɔfu ta alɔ abɔ ku alɔ jɛyi ku Ubáyíbu gla

Abɔ ācɛ yɔ i jé Ubáyíbu abɔyi uwa a, alɛwa ku uwa gáā le má ka ɔka ō ka lɛyikwu Ubáyíbu mla ācɛ ɔhá gē le itene. Jé Úklɔ́ kú Ācotɛ̄hɔ̄ 8:26-31, cɛɛ ku aa kɔka lɛyikwu ɔka nyā:

• Ɛgɛnyá nɛ alɔ gáā jɛyi ku Ubáyíbu a?​—Má ɔgba 30 mla 31.

 ƆDI NƐ A NWU A?

Ubáyíbu gē ta alɔ ukɔ́ nōo gē ta alɔ abɔ lā oyeeyi ku ɛ̄cī doodu, ó gē cila ōhī ku aɔka ku alɔ, ó gē ta alɔ ɔtu lé klla gē je eyiyoce lɛ alɔ.

Aɔka ō tu alɔ ɛlá kwu ɔdā nɛ alɔ nwu

• Ukɔ́ nyá nɛ alɔ lɔfu má ŋma ipu Ubáyíbu gla a?

• Aɔka nyá nɛ Ubáyíbu cila ohi ku uwa a?

• Ɔdi nɛ a géē dɔka ō nwu ŋma Ubáyíbu a?