Lebuh Jesus ba bumi, iya ngayanka pengerindu ti besai ngagai orang, indah iya sanggup nyerahka nyawa diri ke mensia. (Matthew 20:28; John 15:13) Enda lama da agi, iya deka sekali agi ngayanka pengerindu ti besai maya iya ngena kuasa ke udah diberi ngagai iya ke nyadi Raja ba Perintah Petara lalu “ngasuh perang badu agi nyadi di serata dunya.”—Masmur 46:9.

 Peratika utai ke dipadah Bup Kudus pasal pengawa ke deka dikereja Jesus:

•   “Iya ngelepaska orang ke seranta, ke ngangauka iya, enggau sida ke suntuk sereta enda dikibuhka orang. Iya sinu ati ke orang ke lemi sereta seranta. Iya ngidupka nyawa sida ke suntuk. Iya ngelepaska sida ari orang ke nekanka pengidup sida, enggau ari orang ke mangah. Iya amat balat sayauka sida.”—Masmur 72:12-14.

 Baka ni chara kitai ulih nunjukka diri beterima kasih ke utai ti udah digaga Jesus sereta ke utai ti deka digaga iya dudi hari? Ba Luke 22:19, Jesus madahka bala murid iya patut ingatka pemati iya. Nya meh kebuah tiap kali ulang taun pemati Jesus, Saksi-Saksi Jehovah begempuru. Kami ngelaluka nuan datai sama Ngingatka Pemati Jesus enggau kami kena Hari Minggu, 24 Mac 2024.

Giga endur ngintu pengawa Ngingatka Pemati Jesus