Au, ulih. Bup Kudus penuh enggau jaku lalau ti amat manah, lalu ulih nyaut mayuh tanya ti amat beguna ba nuan, lalu ngasuh nuan berasai baik agi sereta lantang. Peratika sekeda chunto.

1.   Kati amat bisi Penempa? Dalam Bup Kudus nulis, Petara “udah ngaga semua utai”. (Pemandang 4:11) Laban Petara nya Penempa kitai, Iya nemu utai ke diguna kitai ngambi kitai ulih berasai puas ba pengidup.

2.   Kati Petara ibuhka aku? Dalam Bup Kudus nadai kala madahka Petara nya tusah deka semak kitai. Iya ke bendar, “Iya enda jauh ari kitai siku-siku.” (Kereja Rasul 17:27) Iya ibuhka nuan lalu deka nulung nuan mujur ba pengidup.—Isaiah 48:17, 18; 1 Peter 5:7.

3.   Baka ni Petara nulung aku berasai nyamai agi? Petara endang ngaga kitai enggau pengingin deka semak ngagai Petara. (Matthew 5:3) Pengingin kitai tu nyengkaum, deka ngelala sapa Penempa kitai, lalu deka bisi kaul ti rapat enggau Iya. Petara tentu gaga ati enti kitai bebendar deka semak Iya. Bup Kudus bisi nulis, ‘datai semak ngagai Petara, lalu Iya deka datai semak ngagai kita.’—James 4:8.

 Bejuta iku orang udah ngasaika, kaul enggau Petara nulung sida bulih pengelantang sereta pengaga dalam pengidup. Taja pan nuan endang enda ulih rari ari penanggul, tang lalau Petara ke bisi dalam Bup Kudus ulih nulung nuan

•   Bulih diri sebilik ti gaga ati.

•   Bisi pemaik enggau orang bukai.

•   Ulih napi mayuh macham penanggul baka, balat tusah ati, penanggul ba ekonomi, enggau penyakit ti raya.

 Mayuh pengarap pan ngena Bup Kudus, tang enda nitihka ajar ke bisi dalam nya. Tang pengarap ti bendar seruran bepanggai ba ajar Bup Kudus, lalu nulung nuan ngelala sapa Petara ti bendar.