Ouhona wa Mukuru otjikeṋa?
Ovandu ovengi ve kumba kutja Ouhona wa Mukuru u ye, hapo ove wa rora okuripura kutja Ouhona wa Mukuru otjikeṋa nu ma u yeta ouwa wa ye?
TARA KU IMBI OMBEIBELA MBI I HUNGIRA:
Ouhona wa Mukuru otjikeṋa?
Ohoromende yomeyuru ndji nanwa i Jesus Kristus otjOmbara.—Jesaja 9:6, 7; Mateus 5:3; Lukas 1:31-33.
Ouhona wa Mukuru mau ka yenenisa ye?
Owo ma u yandeke oviṋa avihe ovivi nu mau yeta ohange kovandu kombanda yehi.—Daniel 2:44; Mateus 6:10.
Okupaha Ouhona wa Mukuru rutengatenga ku heya tjike?
Ku heya okuyandja oruvara kOuhona wa Mukuru nokukara nongamburiro kutja owo auyerike ombu mau rundurura ozongaro kombanda yehi momuano Mukuru me vanga.—Mateus 6:33; 13:44.
