INDU omundu umwe morukupo tja katuka, otjiṋa hi tji tjita kutja omundu ingwi owarwe ma kare mombameno. Ouatjiri kutja, ovandu tjiva ve yenena okuisira omundu ngu va kupasana tja tanaura ongaro ye ndjo, nu ave tungu oupanga wawo rukwao. a Nandarire kutja ovakupasane va tye okuteya orukupo rwawo poo indee, ingwi ngwa vakirwa u hihamwa tjinene. Omomuano uṋe mu mave yenene okutjinda omuhihamo wawo mbo?

Nandarire kehi yomihihamo mbyo, ovakupasane ovengi mbe hi nondjo ve muna omahuhumiṋino mOmatjangwa. Owo ve ri honga kutja Mukuru u muna omahoze wawo nu u ve ṱira ondjenda.​—Maleaki 2:13-16.

“Tji mba ri nomeripuriro omazeu morukoro rwandje, omahuhumiṋino woye ya tarareka omuinyo wandje.”​—Epsalme 94:19.

Bill wa tja: “Otja tje lese ezeva ndo, ee ripura nomuano Jehova ma tarareke omuihihamo wandje, otja Ihe wotjari.”

“OOve omuṱakame ku imba mbe ri ovaṱakame.”​—Epsalme 18:25.

Carmen, omurumendu we ngu ha ri omuṱakame oure womieze wa tja: “Omurumendu wandje kaari omuṱakame. Posi yokutja ee kambura kutja Jehova ma rire omuṱakame kwami. Eye kamaa roro okundjihihamisa.”

“Amu rikendere otjiṋa, nungwari mozongumbiro zeṋu azehe ningireye ku Ndjambi imbi mbi mwa hepa . . . Nohange ya Ndjambi ndja kapita ozondunge azehe zovandu mai ṱakamisa omitima vyeṋu.”​—Ovafilipi 4:6, 7.

Sasha wa tja: “Ee lese omazeva nga povikando ovingi, nu otja tjee kumbu Mukuru wendji pa ohange momuinyo.”

Avehe mba tamunwa kombanda mba, povikando tjiva aave vanga okurihahiza. Posi yokutja owo ve riyameka ku Jehova Mukuru nokumuna omasa okuza mEmbo re. Bill wa tja: “Ongamburiro yandje ye ndji vatera kutja mbi kayende komurungu indu oviṋa mehupo randje tji vi ha ri nomuhunga. Nandarire kutja mba kawondjere ‘motjana tjonḓorera,’ Mukuru wa ri puna ami.”​—Epsalme 23:4