An tumín u tamkunal k’al axi in binál an ólchixchik k’al a Jehová. a An donaciones u ejtowáb ka jolowat ban caja de contribuciones axi wa’ats ban atáj tamkuntaláb, max a le’ ka exla’ kit otsits ban página jw.org ju’táj in ulal donaciones. An atikláb in éjtowal kin takuy max in le’ kin bína’ k’al an t’ojláb axi u t’ajnal tin puwél an tsabál o jawa’ u pakwnal ti tamkuntaláb.

 Ni jun i ólchix k’al a Jehová u bijchinal jay i tumín in éjtowal kin bína’. Yab kwa’al ka jalbiy an diezmo ni kwa’al ka bína’ i tumín k’al jawa’ a atál (2 Corintios 9:7). Ti tamkuntaláb yab u koniab i tumín nibal u jalbiyáb abal kit otsits. An ók’nomchik yab u jalbiyáb abal kin pujay jita’, tam ka tsemets jita’, o tam jita’ ne’ets ka tomkin, ni abal k’e’at jant’oj. Yab in nujuwal jant’oj abal kin ko’oy i tumín. Nibal in t’ajál i bingos, yab in t’ajálchik i rifas, ni ubat’lab, nibal in nujuwalchik i k’apnél abal kin tamkuychik an tumín nibal i konchal an atiklábchik abal tu ku pidha’. Ani yab jayk’ij i olnál in bij jita’ in binál an tumín (Mateo 6:2-4). An páginas axi i kwa’al yab in kwa’al i anuncios kom yab jita’ in jalbiyal.

 Patal an íts’ an ólchixchik k’al a Jehová in olnál jay i tumín wa’ats ban tamkuntaláb axi jay pakwamej. Axé’ yab k’wajat tsinat k’al ni jita’ k’al axi ti tamkuntaláb. Wa’ats jun a k’icháj tam u t’ajnal ti kwéntaj an tumín axi wa’ats ani u tsu’tab max k’wajat ti eynal alwa’ (2 Corintios 8:20, 21).

•   Cajas de contribuciones: Taná’ a éjtowal ka jolow an tumín o ka baliy jun i cheque, axé’ k’wajat ban atáj tamkuntaláb o ju’táj tu t’ajnal an púlik tamkuntaláb o píl ju’táj u t’ajnal i tamkuntalábs.

•   Donaciones ti Internet: Al yan i bichow a éjtowal ka eyendha’ an pejach ju’táj tin ulal «Donar a los testigos de Jehová» abal ki t’aja’ i donaciones k’al i tarjeta de crédito o débito, k’al jun i transferencia bancaria o k’e’at jant’ini’. b Talchik i epchaláb in dhayál i tumín ta íts’ abal kin éjtow kin aba’ jant’ini’ tin ulal axé’ (1 Corintios 16:2).

•   Donaciones planificadas: Abal talchik i donaciones in yejenchal ka jila’ ts’ejkadh jun i uw tin tamét jun i eyal. Max ki t’aja’ antsaná’ ne’ets ka kalej más tsa’at tam ki t’aja’ jun i kalk’untaláb. I éjtowal ki jila’ jun i uw ts’ejkadh abal jant’ini’ ti ne’ets ka eyendháj i k’alabil tam ku tsemets. A éjtowal ka tawna’ an sucursal max a le’ kax exla’ más jant’ini’ a éjtowal ka bína’ i donaciones, ejtíl:

  •   cuentas bancarias

  •   seguros ani planes de jubilación

  •   bienes raíces

  •   acciones ani bonos

  •   testamentos ani fideicomisos

 Max a le’ ka exla’ más tin kwéntaj an ju’táj tatá’ it k’wajíl, kit otsits ban página «Donar a los testigos de Jehová».