¡Ki olnaʼ an alwa kaw!
Púlik tamkuntaláb axi ti 2024 in kʼal an ólchixchik kʼal a Jehová
Yab kwaʼal ka jálbiy abal kit otsits • Yab u konoyáb i tumín
It kʼwajat lej kanidh
Viernes. Neʼets ka tsuʼuw abal jawaʼ in ulal an Evangelios tin kwéntaj in ejatal a Jesús lej chubax patal jawaʼ watʼey. Neʼets ka exóbna abal an tʼilab axi in olnál an Biblia tu lej tólmiyal xowéʼ ta kʼichaj.
Sábado. ¿Jantʼoj kʼej uluwat tin kwéntaj in waʼtsintal a Jesús ani in tsakamtal? ¿Walám putun axé xi kʼej kaw?
Domingo. Yan i atiklábchik kʼwajat kulbél ani yab u watʼadh tʼeʼpinal belits abal kʼwajat lej kʼibat an xeʼtsintaláb, ¿jaleʼ? Abal ka exlaʼ, ka otsʼówiy an tʼilomtaláb axi in bij: «Yab tu jikʼedhál jawaʼ kʼwajat ti watʼel ban xeʼtsintaláb».
Video axi nakat
An alwaʼ kaw axi tu jilchij a Jesús: Pejach 1
Axi chubax neʼets kin tajbay an xeʼtsintaláb
In waʼtsintal a Jesús pél jun i labidh tʼajbiláb pél in tujtal kʼal jantʼoj axi neʼetsak kin watʼaʼ. Ani abal yab ka tsemdháj kʼal jun i tsʼalej, neʼdháj ti Egipto. Tamub talbél, tam ti kwitólej, jajáʼ in jilaʼ jikʼpadh an exóbchixchik. Neʼets ka tsuʼuyej más ban tsab an video axi nakat, an kʼaʼál neʼets ka watʼbáj ti viernes ani an tsabchíl pejach ti sábado.
Ka tsuʼuw talchik i videos axi neʼets ka tejwamej ban púlik tamkuntaláb:
¿Jantʼoj u tʼajnal al jun i púlik tamkuntaláb?
Ka tsuʼuw jantʼiniʼ in tʼajál an púlik tamkuntaláb an ólchixchik kʼal a Jehová.
Púlik tamkuntaláb axi ti 2024 in kʼál an ólchixchik kʼal a Jehová: «¡Ki ólnaʼ an alwaʼ kaw!».
Ka tsuʼuw an programa ani an hora tam neʼets ka tʼajan an púlik tamkuntaláb.
Pejach kʼal an video axi nakat: «An alwaʼ kaw axi tu jilchij a Jesús».
In waʼtsintal a Jesús pel jantʼoj axi lej exladh. ¿Jantʼoj watʼey okʼox ani talbél tam ti watʼey nixéʼ xi labidh tʼajbiláb?