Kiyès ki fondatè relijyon Temwen Jewova a?
Istwa òganizasyon Temwen Jewova yo nan epòk nou an te kòmanse nan fen 19yèm syèk la. Nan epòk sa a, gen yon ti gwoup etidyan Labib ki t ap viv toupre Pittsburgh, an Pennsylvania, Ozetazini, ki te kòmanse analize Bib la vèsè pa vèsè. Yo te konpare ansèyman legliz yo t ap bay ak sa Labib anseye toutbonvre. Yo te kòmanse pibliye sa yo te aprann yo nan liv, jounal ak revi ki rele kounye a Toudegad k ap anonse Wayòm Jewova a.
Nan gwoup etidyan Labib sensè sa yo, te gen yon mesye ki te rele Charles Taze Russell. Pandan Russell te pran latèt nan travay ansèyman biblik la nan epòk la, li te premye moun ki te pibliye Toudegad la, men li pa t fondatè yon nouvo relijyon. Objektif Russell ansanm ak lòt Etidyan Labib yo, jan yo te konn rele gwoup sa a nan epòk la, se te fè plis moun konnen ansèyman Jezi Kris yo epi suiv egzanp kongregasyon kretyen nan premye syèk la. Piske se Jezi ki fondatè Krisyanis lan, nou rekonèt li kòm fondatè òganizasyon nou an. — Kolosyen 1:18-20.
Lòt sijè ki enteresan
KESYON MOUN POZE SOUVAN
Èske Temwen Jewova yo se kretyen yo ye?
Tanpri, gade rezon ki fè nou di nou se kretyen, epi gade ki jan nou diferan ak lòt relijyon ki di yo se kretyen yo.
POU KÒMANSE KONVÈSASYON NAN PREDIKASYON
Temwen Jewova — Kiyès nou ye?
Anpil moun ta renmen konnen kiyès Temwen Jewova yo ye. W ap jwenn plis enfòmasyon nan lyen sa a.
ENFÒMASYON SOU NOU
Mande pou yo vizite w
Poze yon kesyon ou genyen sou Bib la oubyen aprann plis sou Temwen Jewova yo.