“Tanobada ibounai be Dika Tauna ena siahu lalonai ia noho.”​—1 Ioane 5:19, Nega Matamata Baibel.

“Dirava ena Natuna ia hedinarai: Diabolo ena gaukara ibounai ia haorea momokani totona.”​—1 Ioane 3:8.

Tanobada ai hekwakwanai idia vara ena badina ita lalopararalaia.​—Apokalupo 12:12.

Eda tanobada do ia namo lou ena badina ita abia dae.​—1 Ioane 2:17.

Oibe, badina toi be inai:

• Satani do ia lohia lou lasi. Iehova be ena lalona ia hadaia Satani ia haorea totona, unai amo taunimanima do ia biagua lou lasi. Dirava ia gwauhamata ‘Diabolo ia haorea’ totona, bona Satani ese ia hadikaia gaudia ibounai do ia hanamoa lou.​—Heberu 2:14.

• Dirava ese Iesu Keriso ia abia hidi tanobada ia lohiaia totona. Ena be Satani be sibona ena namo ia laloa bona ia lohiaia taudia ia dagedage henia, to Iesu be ia bamona lasi. Dirava ese Iesu ena lohia dalana be inai bamona ia gwauhamatalaia: “Ia ese manoka taudia, bona ogogami taudia dekenai do ia bogahisihisi . . . Bema unai ogogami taudia, be haida ese idia dagedage henia neganai, king ese unai ogogami taudia do ia hamauria.”​—Salamo 72:13, 14.

• Dirava ia koikoi diba lasi. Baibel ia gwau: “Dirava be ia koikoi diba lasi.” (Heberu 6:18) Iehova ese gau ta ia gwauhamatalaia neganai, unai ena anina ia hagugurua! (Isaia 55:10, 11) “Inai tanobada ena lohia be murimuri dekenai do ia negea.”​—Ioane 12:31.