Mauri ena anina dibaia totona reana dala idauidau amo ita henanadai diba hegeregere, Dahaka dainai ita mauri noho? eiava Egu mauri be mai ena badina, a? Baibel ese ia hahedinaraia ita mauri ena badina be Dirava ida iseda hetura karana ita hagoadaia totona. Baibel ese inai mai anina bada hereva momokani ia herevalaia dalana mani ita itaia.

•   Dirava be iseda Havaraia Tauna. Baibel ia gwau: “[Dirava] ese ita ia karaia, bona ita be iena.”​—Salamo 100:3; Apokalupo 4:11.

•   Dirava ese gau ibounai ia karaia be mai edia badina, ita danu.​​—Isaia 45:18.

•   Dirava be ita ia karaia ia ita “dibaia totona”, unai be mauri mai ena anina. (Mataio 5:3) Ia ura unai ita karaia.​​—Salamo 145:16.

•   Dirava ita dibaia totona, iseda hetura karana ia ida ita hagoadaia be namo. Ena be haida do idia laloa Dirava tura henia karana be auka, to Baibel be inai hagoadaia herevana ia gwauraia, ia gwau: “Dirava kahirakahira umui lao, bona ia be umui kahirakahira do ia mai.”​—Iamesi 4:8; 2:23.

•   Dirava ena turana ai ita lao totona, iseda mauri lalonai iena ura ita totona ita badinaia be namo. Baibel ese unai ura ia gwauraia, Hadibaia Tauna 12:13 ai, ia gwau: “Dirava momokanina do oi gari henia bona ena oda herevadia do oi badinaia, badina taunimanima edia mauri lalonai unai be mai anina bada.”

•   Nega vairai, Dirava ena ura ginigunana ita totona do ita mamia momokani, ia ese hisihisi do ia haorea bona ena turadia, ia idia tomadiho henia taudia dekenai mauri hanaihanai do ia henia.​—Salamo 37:10, 11.