bible mein na to yeeshu ke janm ki taareekh di gayi hai, na hi yah kaha gaya hai ki hum uska janmdin manayen. mcclintock aur strong vishvakosh  mein bataya gaya hai, “christmas ki shurooat parmeshvar ne nahin ki aur na hi naye niyam mein iska koi zikra kiya gaya hai.”

iske bajay christmas ke itihas se pata chalta hai ki iski shurooat gair-isai dharmon ke rivazon se judi hai. bible batati hai ki agar hum parmeshvar ki upasna us tareeke se nahin karte jaise woh chahta hai, to isse woh naaraz hota hai.​—nirgaman 32:5-7.

1. yeeshu ka janmdin manana: “shuroo ke maseehi [yeeshu ka] janmdin nahin manate the, kyonki woh maante the ki kisi bhi vyakti ka janmdin manane ka rivaz gair-isai hai.”​—the world book encyclopedia.

2. 25 disambar: iska koi saboot nahin hai ki yeeshu is taareekh ko paida hua tha. church ke aguvon ne shaayad yah taareekh isliye chuni, kyonki isi taareekh ko ya iske aas-paas yaani disambar ke aakhiri hafton mein gair-isai log apne tyohar manate the.

3. tohfe dena, daavat udana, mauj-masti karna: the encyclopedia americana  mein likha hai, “saturnalia romi logon ka parva tha, jo 15 disambar ke aas-paas manaya jaata tha. usi parva se christmas ke zyadatar rivaz nikle hain jinmein khoob mauj-masti hoti thi, jaise badi-badi daavat rakhna, jashna manana, tohfe dena aur mombattiyaan jalana.” encyclopædia britannica  batati hai ki saturnalia ke dauran “saare kaam aur vyapar band kar diye jaate the.”

4. christmas mein raushni ki jagmagahat: the encyclopedia of religion  ke mutabik, europe ke log disambar ke aakhiri dinon mein apne gharon ko “battiyon aur har kism ke sadabahar pedon” se sajate the. aisa karne ka unka ek maksad buri aatmaon ko bhagana bhi tha.

5. mistletoe, holly: “purane zamane ke pujari maante the ki mislato ke ped mein jaadooi shakti hoti hai. sadabhar ped hwli ki pooja yah yakeen dilane ke liye ki jaati thi ki sooraj zaroor vaapas aayega.”—di insaiklopeediya amerikana.

6. christmas ka ped: “europe ke gair-isai logon mein ped ki upasna karna aam baat thi aur maseehi dharm apnane ke baad bhi unmein yah rivaz kaayam raha.” “sardiyon mein tyoharon ke dauran darvaze par ya ghar ke andar yool ka ped rakhna” is baat ko saabit karta hai ki ped ki upasna ka rivaz ab bhi maana jaata hai.— encyclopædia britannica.