neetivachan 8:1-36
8 dekh, buddhi aavaz laga rahi hai,
paini samajh zor-zor se pukar rahi hai.+
2 woh sadak kinare unchi jagahon par+aur chaurahon par khadi hokar,
3 shehar ke faatkon ke paas,dvar par khadi hokar unchi aavaz mein kehti hai,+
4 “hey logo, meri suno,main tum sabse* keh rahi hoon.
5 hey naadano, hoshiyari se kaam lena seekho,+hey moorkho, samajh rakhnevala man haasil karo.
6 meri suno kyonki main zaroori baatein bata rahi hoon,main jo kahoongi sahi kahoongi.
7 main sachchai ki baatein dheeme-dheeme bolti hoon,mere honth dusht baaton se ghin karte hain.
8 meri kahi saari baatein neki ki hain,
unmein koi chhal-kapat ya ulat-fer nahin.
9 samajh rakhnevale ye baatein saaf-saaf samajh jaate hain,gyaan paanevalon ko ye seedhi aur sachchi lagti hain.
10 chaandi ko nahin, meri shiksha ko chun lo,badhiya sone ko nahin, mere gyaan ko le lo,+
11 kyonki buddhi ka mol moongon* se badhkar hai,saari keemti cheezen bhi iski barbari nahin kar saktin.
12 main buddhi, hoshiyari ke sang basera karti hoon,mainne gyaan aur sochne-parakhne ki shakti paayi hai.+
13 yahova ka dar maanna, burai se nafrat karna hai.+
guroor, ghamand,+ buri raah aur jhoothi zaban se mujhe nafrat hai.+
14 mere paas badhiya salah haiaur aisi buddhi hai jo faayda pahunchati hai,+mere paas samajh+ aur taakat bhi hai.+
15 meri madad se raja hukoomat karte hain,shaasak neki ke kaanoon thehrate hain.+
16 meri madad se haakim raaj karte hain,unche adhikari sachchai se nyay karte hain.
17 jo mujhse pyar karte hain, unse main pyar karti hoon,jo mujhe dhoondhte hain, woh mujhe paa lete hain.+
18 mere paas dhan aur aadar hai,kabhi na mitnevali daulat aur neki hai.
19 mere diye tohfe sone se, haan, shuddh sone se badhkar hain,main jo deti hoon woh badhiya chaandi se achha hai.+
20 main neki ki raah par chalti hoon,insaf ki dagar ke beechon-beech jaati hoon.
21 jo mujhse pyar karte hain,unhein sachchi daulat se maalamal karti hoon,unke bhandaron ko bhar deti hoon.
22 yahova ne mujhe bahot pehale racha,usne srishti ki shurooat mujhse ki,+main uski sabse pehali kaareegari thi.+
23 bahot samay pehale, prithvi ki rachna se bhi pehale,shuroo mein mujhe apni jagah di gayi.+
24 jab main paida hui* tab na to gehra saagar tha,+na umadte paani ke sote.
25 pahadon ko apni jagah sthir karne se pehale,pahadiyon se bhi pehale, mujhe racha gaya.
26 us vakt usne na to dharti na iske maidan,na hi mitti ka pehala dhela banaya tha.
27 jab usne aasman ko taana,+paani par seema-rekha* khinchi+ tab main vahin thi.
28 jab usne oopar baadal thehraye,*gehre saagar mein sote banaye,
29 jab usne samundar ki had thehrayiki woh uska hukm na tode,+jab usne dharti ki ninv rakhi,
30 tab main ek kushal kaareegar ki tarah uske saath thi.+
use har din mujhse bahot khushi milti thi+aur main har vakt uske saamne magan rehti thi.+
31 jab mainne insanon ke rehne ke liye dharti dekhi,to meri khushi ka thikana na raha.
insanon se mujhe gehra lagav tha.
32 ab hey mere beto, meri suno!kyonki jo meri sunta hai aur meri raah par chalta hai,woh khush rehta hai.
33 shiksha ko kabool karo+ aur buddhiman bano,use lene se inkar mat karo.
34 sukhi hai woh insan jo meri sunta hai,jo har din mere darvaze par subah-subah aata hai,chaukhat ke paas khada mera intazar karta hai.
35 kyonki jo mujhe dhoondh leta hai, woh jeevan paata hai+aur use yahova ki manzoori milti hai.
36 magar jo mujhe andekha karta hai, woh khud ko chot pahunchata hai,jo mujhse nafrat karta hai use maut zyada pyari hai.”+
kai footnote
^ shaa., “tum aadmiyon se.”
^ ya “jab prasav-peeda ke saath mujhe paida kiya gaya.”
^ ya “shitij.”
^ shaa., “sthir kiye.”
