ifisiyon ke naam chitthi 5:1-33
5 isliye parmeshvar ke pyare bachchon ki tarah uski misal par chalo+
2 aur pyar ki raah par chalte raho,+ theek jaise maseeh ne bhi hamse* pyar kiya+ aur hamari* khaatir parmeshvar ke saamne sugandh denevale chadhave aur balidan ke taur par khud ko de diya.+
3 jaisa pavitra logon+ ke liye uchit hai, tumhare beech naajayaz yaun-sambandh* aur kisi bhi tarah ki ashuddhta ya laalach ka zikra tak na ho,+
4 na tumhare beech sharmnak bartav, na bevkoofi ki baatein, na hi ashleel mazak ho+ kyonki aisi baatein pavitra logon ko shobha nahin detin. iske bajay, parmeshvar ka dhanyavad hi suna jaaye.+
5 kyonki tum jaante ho aur tumhein is baat ka poora ehsas hai ki aisa koi bhi insan jo naajayaz yaun-sambandh* rakhta hai+ ya ashuddh kaam karta hai ya laalchi hai+ jo ki moortipooja karnevale ke barbar hai, woh maseeh ke aur parmeshvar ke raaj mein koi virasat nahin paayega.+
6 koi bhi insan tumhein khokhli baaton se dhokha na de, kyonki inhin buraiyon ki vajah se parmeshvar ka krodh aagya na maannevalon par aa raha hai.
7 isliye unke saath saajhedar na bano
8 kyonki tum bhi ek vakt par andhkar mein the, magar ab tum prabhu ke saath ekta mein hone ki vajah se+ raushni mein ho.+ raushni ki santanon ke naate chalte raho
9 kyonki raushni ka nateeja har tarah ki bhalai, neki aur sachchai hai.+
10 jaanch karke pakka karte raho ki prabhu kin baaton ko sweekar karta hai+
11 aur unke saath milkar andhkar ke nikamme kaam karna chhod do.+ iske bajay unka pardafash karo.
12 kyonki woh gupt mein jo kaam karte hain unke baare mein baat karna bhi sharmnak hai.
13 jitni bhi baaton ka pardafash kiya jaata hai, woh raushni se zahir ki jaati hain kyonki har woh baat jo zahir ki jaa rahi hai, woh raushni hai.
14 isliye woh kehta hai, “are sonevale, jaag aur mare huon mein se* zinda ho,+ tab maseeh ki raushni tujh par chamkegi.”+
15 isliye khud par kadi nazar rakho ki tumhara chaalchalan kaisa hai, moorkhon ki tarah nahin balki buddhimanon ki tarah chalo.
16 apne vakt ka sahi istemal karo*+ kyonki din bure hain.
17 is vajah se moorkhta ke kaam karna chhod do balki yah samajhne ki koshish karte raho ki yahova* ki marzee kya hai.+
18 saath hi, daakh-madira peekar dhutt na ho+ jo neech harkaton* ki taraf le jaata hai, magar pavitra shakti se bharpoor hote jaao.
19 bhajan gaakaar,* parmeshvar ka gungan karke aur upasna ke geet gaakaar ek-doosre ki himmat bandhao+ aur apne dilon mein sangeet ke saath+ yahova* ke liye geet gaate raho+
20 aur har baat ke liye hamare prabhu yeeshu maseeh ke naam se hamare parmeshvar aur pita ko dhanyavad dete raho.+
21 maseeh ka dar maante huye ek-doosre ke adheen raho.+
22 patniyaan apne-apne pati ke adheen rahein+ jaise woh prabhu ke adheen rehti hain
23 kyonki pati apni patni ka sir hai,+ theek jaise maseeh bhi apne shareer yaani mandli ka sir hai+ aur uska uddharkarta hai.
24 jaise mandli maseeh ke adheen hai, vaise hi patniyaan bhi har baat mein apne-apne pati ke adheen rahein.
25 hey patiyo, apni-apni patni se pyar karte raho,+ theek jaise maseeh ne bhi mandli se pyar kiya aur apne aapko uski khaatir de diya+
26 taaki woh use paani jaise vachan se dhokar shuddh kare aur pavitra thehraye.+
27 aur mandli ko uske poore vaibhav ke saath apne saamne pesh kare jismein na koi daag aur na jhurri ho, na hi koi aur khaami ho+ balki yah pavitra aur bedag ho.+
28 isi tarah patiyon ko chahiye ki woh apni-apni patni se aise pyar karein jaise apne shareer se. jo apni patni se pyar karta hai, woh khud se pyar karta hai.
29 isliye ki koi bhi aadmi apne shareer se kabhi nafrat nahin karta, balki woh use khilata-pilata hai aur anmol samajhta hai, theek jaise maseeh bhi mandli ke saath pesh aata hai
30 kyonki hum uske shareer ke ang hain.+
31 “is vajah se aadmi apne maata-pita ko chhod dega aur apni patni se juda rahega* aur woh donon ek tan honge.”+
32 yah pavitra rehasya+ mahan hai. main maseeh aur mandli ke baare mein baat kar raha hoon.+
33 fir bhi tummein se harek apni patni se vaisa hi pyar kare+ jaisa woh apne aap se karta hai. aur patni bhi apne pati ka gehra aadar kare.+
kai footnote
^ ya shaayad, “tumse.”
^ ya shaayad, “tumhari.”
^ yaani mari hui haalaat se.
^ shaa., “tay vakt ko khareed lo.”
^ ya “bekaboo bartav.”
^ ya shaayad, “apne liye bhajan gaakaar.”
^ ya “ke saath hi rahega.”
