Ma’aikata suna amfani da motocin tona kasa guda biyu don su saka bututun ruwa a wurin da ya kamata. Ana iya ganin ginin ofisoshi a can kasa.

Ma’aikatan suna saka bangon ginin. An tsara kalar bangon da kuma yadda yake don ya jitu da kalar bishiyoyi da kuma ciyayi da ke kewaye da ginin.

Bayan ma’aikatan sun yi daben, sun yi amfani da irin mashin don su sa ya yi sumul ya rika kyalli kuma ya dade.

Hoton da aka dauka daga arewa maso gabashin wurin da ake ginin. A can kasa, ma’aikata suna kwashe abubuwa don a gina gareji na wurin karban baki. An kammala gina hanyar da ta hada ginin ofisoshi biyun da ke dama a hoton. An iya ganin sutudiyo da ke arewaci da kuma kudancin ofishin a can kasa.

A kusa da Gidan Zama na A, wata mai bincike tana bincika da kuma rubuta aikin da masu tsara yanayin kasa suka yi. Domin na riga da na tsara yadda yanayin kasar za ta kasance kafin a soma ginin, an shuka bishiyoyi da kuma ciyayi, kuma za su girma kafin a kammala ginin.

Masu fenti suna fenta kasan garejin da fentin da aka yi da karo. Daya cikinsu ta saka takalmin da ba zai bata daben ba. Fentin da aka yi da karo yana da kyau domin yana hana māi bata daben kuma hakan ya dace a wurin da za a rika faka motoci.

Masu aikin famfo suna yanka sarka da za a yi amfani da ita don rataye abin da zai rika dumama wurin da ake aiki.

Masu fenti sun soma yin fentin farko a cikin ofisoshin. Kowane ofishi yana da iyakwandishan da da aka rufe da leda don a kāre shi.

Ma’aikata suna saka firam a saman wurin da za a rika karban baki.

Ma’aikata suna amfani da motar daga kaya don su saka bangon gilashi a wajen dakin cin abinci da kuma wurin taro.

Ma’aikatan wutan lantarki suna saka soket a bakin waya. An saka waya mai nisan kilomita 50 a kowane bene hudu da ke ginin, gabaki daya an yi amfani da waya mai nisan kilomita 200. An tsara daben a hanyar da zai sauki a canja tsarin a nan gaba.

Masu Ba da Taimakon Gaggawa suna koyan abin da za su yi sa’ad da wani ya fado daga saman gida idan igiyar da ya daure kansa da ita ta rike shi.

Wata ’yar’uwa tana gwada daidai lebur na hanyar wucewa kafin a zuba kankare. A kusa da hanyar wucewar, wata motar tana tona rami don a shuka bishiyoyi.

Hotunan yadda aka saka abubuwan da ke mayar da hasken rana wutan lantarki a saman rufin sutudiyon da kuma ofisoshi.

Wani ma’aikaci yana saka tayil a wurin karban baki mai hawa uku. An saka wani abu mai kalar ruwan lemu a karkashin tayil din don ya taimaka kuma ya kāre tayil din don kada ya rika fashewa.

Ma’aikata suna diban abinci kuma suna ci a dakin cin abinci da aka gina don a yi amfani da shi na dan lokaci. A wannan dakin cin abinci ana ba da abinci sau uku don a iya ciyar da mutane kusan dubu daya a kowace rana.

Motar kwashe shara yana kwashe dattin da ke bayan ofisoshin. An saka wani irin labule a hanyar wucewa da wundon ofisoshi da ke dakin cin abinci da kuma wurin taro don ya rika kāre mutane daga hasken rana.

Ma’aikata suna saka tayil kuma ’yan’uwan da suka ba da kai don su taimaka da aikin na kwana daya suna taya su aiki. Ta wannan tsarin ba da kai, ana gayyatar ’yan’uwa daga ikilisiyoyi a Birtaniya da kuma Ireland don su turo mutanen da za su zo su taimaka da aikin na kwana daya. A karshen watan Fabrairu, fiye da ’yan’uwan 5,500 sun saka hannu a wannan aikin.

Ma’aikata suna gina bango don su raba ginin kashi biyu. Abubuwa masu kalar ruwan lemu suna nuna iyakacin wurin da motocin daga abubuwa da ke amfani da su za su iya kai wa.

Ma’aikata suna share wurin da ake aikin kuma ana saka tayil a wurin karban baki.