1 GA FABRAIRU, 2023
RASHA

“Ba Yanayina Ne Kawai Nake Bukata In Canja Ba”

KA KUNNA

Nan ba dadewa ba, kotun yankin Vladimir na Birnin Kovrovskiy zai sanar da hukuncin da aka yi wa wani Danꞌuwa mai suna Boris Simonenko. Alkalin bai fadi irin hukunci da za a yanke wa Danꞌuwa Simonenko ba.

Tarihinsa

Boris Simonenko

Shekarar da aka haife shi: 1955 (Yukiren)

Tarihin rayuwa: Ya yi aiki a matsayin mai hakar maꞌadanai

Ya auri Ida a shekara ta 1978. Suna da yaro mai suna Aleksey

Ida ta soma nazarin Littafi Mai Tsarki da Shaidun Jehobah. Da shigewar lokaci, mijinta Boris ya soma nazarin Littafi Mai Tsarki tare da ita bayan ya ga yadda bin kaꞌidodin Littafi Mai Tsarki yake taimaka wa iyalinsa. Ida ta yi baftisma a shekara ta 1996, Aleksey ma ya yi a 1998 kuma Boris ya yi nasa a shekara ta 2000

Kalamansa

Duk da matsaloli da kake fuskanta me ya taimaka maka ka kasance da raꞌayin da ya dace?

Jawabi da na ji a wani taron yanki ya taimaka mini sosai. Mai jawabin ya ce, “Gara mutum ya kasance a kurkuku tare da Allah da mutum ba ya cikin kurkuku amma Allah ba ya tare da shi.” Hakan ya taimaka mini in gano cewa idan ina so in rika farin ciki, ba yanayina ne kawai nake bukata in canja ba amma raꞌayina game da yanayoyin. Kalmomin nan sun ratsa zuciyata sosai kuma suna karfafa in rika jimrewa. Kamar yake a Zabura 27:13: “Na tabbatar da wannan, zan ɗanɗana alherin Yahweh, a wannan duniyar masu rai.” Ko da yake na bauta wa Jehobah fiye da shekaru 20, abubuwan da suke faruwa a kwanan nan suna taimaka mini in kusaci Jehobah fiye da dā.

Muna da tabbaci cewa Boris da iyalinsa za su ci gaba da samun karfi da farin ciki yayin da suke kusa da Jehobah.—⁠1 Tarihi 16:⁠27.

Lokaci

8 ga Fabrairu, 2021

Hukuma ta dauka muryar Danꞌuwa Boris yayin da yake waya domin su yi amfani da shi wajen yin bincike
17 ga Fabrairu, 2021

An yi bincike a gidansa. An yi masa tambayoyi kuma aka kulle shi na dan lokaci
18 ga Fabrairu, 2021

An soma tuhumarsa da aikata laifi. Laifinsa shi ne yana gudanar da taron Shaidun Jehobah ta intane. An tsare shi kafin a yanke masa hukunci
13 ga Yuli, 2021

An sake shi kuma aka tsare shi a cikin gidansa
17 ga Fabrairu, 2022

An sake shi amma an hana shi barin kasar
15 ga Satumba, 2022

An soma yi masa shariꞌa a kotu

Mai Yiwuwa Za Ka Kuma So

SABABBIN LABARAI

An Saka Su a Fursuna Domin Imaninsu—⁠Russia

Jami’an Tsaro, wato Federal Security Service (FSB) sun kama Dennis Christensen domin yana ibada hankali kwance a majami’ar Shaidun Jehobah ke Oryol a kasar Rasha.

SABABBIN LABARAI