Mi BANGIMA 03
Yi baa fidi ki dugi Biibili n tua yaala po bi?
Biibili pia i tundi leni i ñoaniani boncianla. Li fidi ke yi pia mi nuaŋalima leni Biibili n bangi yaala, ama yi pia i jeje. Naani yi baa fidi ki dugi yaa ñoaniani leni yaa tundi n ñan yaa tikpela n tie nna niini bi? Biibili n tua yaala pia tipo ti ñoadi dinli dinla bi? Naani ti baa fidi ki daani Biibili n niani yaala saala po bi? Yaa niba n pundi milionba tama ke bi baa fidi ki daani la. Tin diidi yaala n baa fidi ki todi yi moko n daani la.
1. Yaa laabaali n ye Biibili nni tie i moamoani bi, bi i telimi?
Biibili wani o ba wangi ke o maama tie “i moamoani ki go pia mi todima” (O Yanfuodaano 12:10). Wan maadi yaa laabaali leni yaa niba maama yeni kuli tie i moamoani (Cogi mani Luki 1:3; 3:1,2). A banda n liini yaala, bontianla tuugi leni Biibili n tua yaala nani: a dana, bi niba, i kaani leni li bontienkaala.
2. Beepo ke ti baa fidi ki yedi ke Biibili baa pia ti ñoadi dinli dinla?
Biibili maadi li bontianla yaa maama ke o yogunu niba ki den bani la. Nani nannanli po o maadi bontianla maama ke siansi banda den maadi li maama. Laa bontianla po bi niba boncianla den niagi leni bi yaba. Ama dinli dinla siansi banda tuo ke Biibili n tua yaala kuli tie i moamoani cain. Ti baa fidi ki dugi wan tua yaala kuli po, o yogunu kuli.—Pisomi 111:8.
3. Beepo ke ti baa fidi ki dugi Biibili n wangi yaala saala po?
Biibili pia yaa sawaalimaama a ke bi ‘den tuodi ki waani ke li daa tieni’ (Esayi 46:10). O den liidi ki waani li bontianla ŋali o yogu ke li kuli kua cain. O go den paadi ki waani mi yema n baa tua maanma li ŋandunli nni dinli dinla. Yaa bangima n tie nna niinni, ti baa maadi Biibili sawaalimaama tiama. Laa sawaalimaama n kua maanma baa ludi yi.
LIINI MANI KI PUGINI
Diidi mani siansi banda n waani yaala ke li tuugi leni Biibili n tua yaala, go liini mani ki bandi Biibili sawaalimaama n kua maanma cain.
4. Siansi maama tuugi leni Biibili n tua yaala
U yogu nni, bi niba boncianla den tama ke ki tinga maa li bonla po. Diidi mani VIDEO yeni.
Diidi mani Jobi tili n den togidi yaala li binli 3500 leni dinla. Cogi mani Jobi 26:7, ki go boe yaa buali n tie nna po:
-
Beepo ke li tie bonludikaala, Biibili n yedi ke ki tinga “juani ku lengu nni”?
U yienu yen tongi mi ñinciama leni i kpenciami yaa ñima lan kpandi ki tua mi walima ki do a tawala nni. Li puoli li baa kpandi ki tua taaga ki go mii. Mi ñima yeni n go sani ki gua mi ñinciama leni i kpenciami niini. Biibili den waani lan tiendi maama ke i taaga mii ke bina 3000 puoli ke bi nisaaliba di yuandi ki bandi la. Cogi Jobi 36:27, 28, ki go boe yaa buali n tie nna po:
-
Biibili n waani lan tiendi maanma ke i taaga mii yeni, beepo ke li tie bonludikaala?
-
Yin cogi yaa velseenba yeni teni ke yi pia ti dugidi leni Biibili bi?
5. Biibili den liidi ki waani yaala n baa faa ki tieni ke li pia ti ñoadi
Cogi mani Esayi 44:27–45:2, ki go boe yaa buali n tie nna po:
-
Bina 200 ke Babilonni bolima daa pundi, Biibili den liidi ki waani bee?
U yogu nni tila waani ke Persi diema bado Sirusi leni o toatieba den paadi Babilonni dogu li binli 539 Y.L.J.M. b Bi den kuoni yaa kpenu n den gaani ki lindi u dogu yeni. Ban pundi yeni bi sua ke u dogu yeni buliñoana den ya ke bi kua ki paadi ba ke laa yegi leni bu toabu. Yaala n pundi bina 2500 leni dinla Babilonni dogu baa tie dobuoli. Diidi mani Biibili n den liidi ki waani yaala.
Cogi mani Esayi 13:19, 20, ki go boe yaa buali n tie nna po:
-
Lede ke laa sawaalimaama kua cain?
Babilonni dobuoli dinla dinla Irak diema nni
6. Biibili den liidi ki waani tin nua yaala dinla dinla
Biibili wangi ke ti ye a “juodidana” niini (Timote Tilieli 3:1). Diidi mani Biibili n den liidi ki waani yaala, laa dana po.
Cogi mani Matie 24:6, 7, ki go boe yaa buali n tie nna po:
-
Biibili den liidi ki waani ke bee paka buolu n baa yaa ye a juodidana niini?
Cogi mani Timote Tilieli 3:1-5, ki go boe yaa buali n tie nna po:
-
Biibili den liidi ki waani ke bi niba tuada baa yaa tie lede a juodidana niini?
-
Laa tuada kuli siiga lile ke yi nua dinla dinla?
BI NITIANBA N TUA YAALA: “Nitianba tua ke Biibili yeni gbie leni i telimi bi leni i laabaalikpeli.”
-
Yi moo po, bee n li teni ke yi baa fidi ki dugi Biibili n tua yaala kuli po?
MI MAAKUBIKAAMA
U yogu nni laabaali, siansi leni mi sawaalimaama kuli wangi ke ti baa fidi ki dugi Biibili n tua yaala kuli po.
Mi goaleema
-
Yaa laabaali n ye Biibili nni tie i moamoani bi, bi i telimi?
-
Bee n wangi ke siansi n tua yaala bontianla po tuugi leni Biibili n tua yaala?
-
Yi tama ke Biibili baa fidi ki liidi ki waani yaala n kpendi saala bi? Waani mani yi maama fuuli.
ŊAN PUGINI A BANMA
Naani Biibili wangi li bontianla ke laa tuugi leni siansi n tua yaala bi?
“La science est-elle d’accord avec la Bible?” (article jw.org)
Bee n wangi ke ti ye a “juodidana” nni?
“6 prophéties qui se réalisent sous vos yeux” (La Tour de Garde 1 mai 2011)
Diidi mani Biibili n pua yaa sawaalimaama Gereki diema po n kua maanma cain.
Diidi mani Biibili sawaalimaama n todi ja yendo maanma ke o lebidi o yantiali Biibili po.
