Mi BANGIMA 01

Biibili baa fidi ki todi yi lede?

ÉCOUTER EN

Ti kuli yen buali ti yula i buali mi yema po, fala po, mi kuuma po, leni saala yema po. Ti go pia i yanbani kelima daali kuli paka po, nani tin baa kubi ti diegu niba maanma ban go yaa ye leni li pamanli. Bi niba boncianla laa ke Biibili lebidi yaa buali n paki bi nisaaliba kuli, ki go puuni ba i tundi bi daali kuli yema po. Yi tama ke Biibili baa fidi ki todi yua kuli bi?

1. I lee buali ke Biibili lebidi?

Biibili lebidi yaa buali n tie nna: Mi yema cili lede? Mi yema pia bee ñoadi? Beepo ke bi papiendanba laadi fala? O nisaalo kuuma puoli bee n go ye? Ti kuli bua laafia leni mi yanduanma, ama beepo ke bu toabu ye boncianla? Ki tinga baa tua lede saala po? Biibili tundi ti ke tin lingi laa buali lebidima. I moamoani po, yaa niba n pundi milionba ba laa buali lebidima, ke li todi ba.

2. Biibili baa todi ti lede tin yaa ye leni li pamanli ti yema nni daali kuli?

Biibili puuni ti i tundiŋami. Nani nannanli po, o wangi ku diegu niba n baa yaa ye leni li pamanli maanma. O puuni ti yaa tundi n baa todi ti tin moa leni ti yanyagidi ki go todi ti, ti tuonli n yaa pia li yankuali ti po. Ti yaa bangi yaa tili n tie nna, ti baa bandi Biibili n tua yaala lipo leni bontoala po. Li fidi yin tuo ke “i diani kuli [li bua yedi Biibili n tua yaala kuli] pia . . . Mi fuoma.”—Timote Tilieli 3:16.

Yaa tili n tie nna naa tie Biibili ka, ama li todi ti ke ti bandi Biibili n bangi yaala. Lanyaapo, ti miadi yi yin cogi velseenba yaala n ye mi bangima kuli niinni, ki diidi li yaa tuugi leni yin bangidi yaala.

LIINI MANI KI PUGINI

Diidi mani Biibili n todi bi niba maanma, tin baa tieni maanma o cogu n yaa pia ti po li yankuali, leni yaala yapo n cedi, ke li baa yaa faali ti po tin ŋanbi gbadi o maama fuuli nitoa yaa todi ti.

3. Biibili baa fidi ki waani ti u sanu

Biibili tie nani yaa filisanga n yieni ŋama. O todi ti ke ti taandi a jagaŋama, o go todi ti ke ti bandi yaala n baa ti faa tieni.

Cogi mani Pisomi 119:105, ki go boe yaa buali n tie nna po:

Yua n diani laa maama den pia bee yantiabuolu Biibili po?
A mo pia bee yantiabuolu Biibili po?

4. Biibili baa fidi ki lebidi ti buali

Poyendo laa Biibili n lebidi yaa buali n den paki o ŋali a bina. Diidi mani VIDEO yeni, ki go boe yaa buali n tie nna po.

VIDEO: Tin da ŋan ti suginma abada! (1:48)

Video yeni niinni, o pua yeni den buali o yuli bee buali?
Biibili bangima todi o lede?

Biibili tundi ti ke tin yaa tiendi i buali. Cogi mani Matie 7:7, ki go boe yaa buali n tie nna po:

A pia bee buali buoli ki bua ki baa li lebidima Biibili nni?

5. Yin baa tieni maanma Biibili cogu n yaa pia li yankuali

Bi niba boncianla faadi Biibili cogu ŋali ke li pia bi po ti ñoadi. Diidi mani VIDEO yeni, ki go boe yaa buali n tie nna po.

Lire la Bible(2:05)

Naani video yeni niinni, bi nipanba faadi a tila cogu bi?
Beepo ke bi yantiana lebidi Biibili cogu po?

Yaala n ye Biibili nni, bangi ti, baagi ti ki go puuni ti mi suginma. Cogi mani Loma Yaaba 15:4, ki go boe yaa buali n tie nna po:

Naani yi bua ki bandi ki pugini Biibili n maadi yaa baagi leni yaa suginma yeni po bi?

6. Nitoaba yaa todi yi, li baa faali yi po yin ŋanbi gbadi Biibili maama fuuli

Bi niba boncianla faadi Biibili cogu, ama bi sua ke bi yaa boe ban cogi yaala leni nitoaba li baa todi ba. Cogi mani Jesu Tondiba Tuona 8:26-31, ki go boe yaa buali n tie nna po: