Eyin mí yọnẹn, mí gán do ayajẹ to gbẹ̀mẹ.

Be Jiwheyẹwhe he dá onú dagbedagbe lẹ do aihọn-gbẹ̀ lọ mẹ na dá gbẹtọvi lẹ nado jiya wẹ ya?

Mẹhe ma nọ jlo sinsẹ̀n-hó lẹ nọ lẹndọ mí to yaji, na Jiwheyẹwhe ma to mítọn dọ wutu kavi dọ mẹde ma tin bo nọ yin Jiwheyẹwhe. Yé yise dọ oyà he ji mí te nọ dohia dọ (1) Jiwheyẹwhe ma gán doalọtena yajiji, kavi dọ (2) Jiwheyẹwhe ma to linlẹn nado de yajiji sẹ̀, kavi dọ (3) Jiwheyẹwhe de ma tin.

Be nugbo lọ ján niyẹn ya?

Jiwheyẹwhe ma dá mí nado jiya.

E jlo dọ ogbẹ̀ mítọn ni yọ́n.

“Nudepope ma yọ́n hugan dọ yé ni jaya bosọ nọ wà dagbe to gbẹwhenu yetọn, podọ dọ mẹdopodopo ni nọ dù bo nọ nù bosọ nọ mọ awuvivi sọn azọ́n sinsinyẹn etọn lẹpo mẹ. Nunina Jiwheyẹwhe tọn wẹ e yin.”—YẸWHEHODỌTỌ 3:12, 13.

Nulẹpo wẹ Jiwheyẹwhe na Adam po Evi po.

E ma dá yé, na yewlẹ kavi kúnkan yetọn nido jiya.

“[Jiwheyẹwhe] dọna yé dọmọ: ‘Mì yin sinsẹ́nnọ bo sudeji bosọ gọ́ aigba ji bo dugán do e ji.’”—JENẸSISI 1:28.

Adam po Evi po lọsu wẹ jlo bo vẹtolina Jiwheyẹwhe.

Enẹ wẹ zọ́n bọ yé hẹn yajiji wá na yede po kúnkan yetọn po.

“Ylando gbọn mẹdopo gblamẹ biọ aihọn mẹ podọ okú gbọn ylando gblamẹ wá, gbọnmọ dali okú dlẹnkan jẹ mẹlẹpo dè, na yemẹpo wẹ ko waylando wutu.”—LOMUNU LẸ 5:12. *

Jiwheyẹwhe ma dá mí po nugopipe lọ po nado deanana míde.

Dile mí ma yin didá nado nọgbẹ̀ to osin mẹ do, mọdopolọ mí ma gán deanana míde.

“E ma tin to huhlọn mẹhe to zọnlinzin tọn mẹ nado deanana afọdide etọn lẹ.”—JELEMIA 10:23.

Jiwheyẹwhe ma jlo dọ mí ni jiya.

Ojlo etọn wẹ yindọ mí ni nọ dapana nuhahun lẹ.

“Eyin hiẹ na yìn gbedide ṣie lẹ wẹ! To whenẹnu, jijọho towe na wá taidi tọ̀sisa de.”—ISAIA 48:18.