Ñandejára oinvita opaichagua héntepe oñemboʼe hag̃ua chupe (Salmo 65:2). Péro haʼe nohendúi térã ndoaseptái enterove ñemboʼe. Por ehémplo peteĩ ména otrata vaíramo hembirekópe ikatu hína Ñandejára nohendúi iñemboʼe (1 Pedro 3:7). Umi israelita osegírõ guare ojapo ivaíva Ñandejára nohendusevéi haʼekuéra oñemboʼérõ guare. Upéicha jahecha pe orasión haʼeha peteĩ vendisión ha ñamombaʼe vaʼerã upéva. Péro Ñandejára ohendu oñemboʼe jave chupe peteĩ pekadór oñarrepentíva hembiapo vaígui.​—Elee Isaías 1:15 ha 55:7.

Ehecha pe vidéo ¿Ohendúpa Ñandejára entéro ñemboʼe?

Ñañemboʼévo ñamombaʼeguasu hína Ñandejárape, upévare ñañemboʼe vaʼerã Jehovápe añoite, haʼe hína ñande Apohare (Mateo 4:10; 6:9). Avei ñaneimperfékto rupi ñañemboʼe vaʼerã Jesús rérape pórke haʼe omano vaʼekue ñande pekádore (Juan 14:6). Jehová ndoipotái jarrepeti de memória térã jaleénte umi orasión. Haʼe oipota ñañemboʼe chupe ñande pyʼaite guive.​—Elee Mateo 6:7 ha Filipenses 4:6, 7.

Ñande Apohare ohendu umi ñemboʼe jajapóva ñande pyʼapýpe jepe (1 Samuel 1:12, 13). Haʼe ñaneinvita ñañemboʼe hag̃ua chupe tódo el tiémpo, por ehémplo ñapuʼãvo pyhareve, ñañenóvo pyharekue, jakaru mboyve ha ñaneprovléma jave.​—Elee Salmo 55:22 ha Mateo 15:36.

Umi hénte ko mundopegua ndojeroviái Ñandejárare ha oñembohory ohendúvo pe promésa jaikotaha pyʼaguapýpe ko yvy ape ári, upévare ijetuʼu jepi ñañemoag̃ui Ñandejárare (2 Timoteo 3:1, 4; 2 Pedro 3:3, 13). Upéicha rupi ñaikotevẽ ñanemokyreʼỹ umi ótro kristiáno ojeroviáva avei Jehováre, ha haʼekuéra oikotevẽ avei ñanderehe.​—Elee Hebreos 10:24, 25.

 Ñañemoag̃uivéta Ñandejárare jajeheʼárõ umi hénte ohayhúvare avei chupe. Umi rreunión ojapóva umi testígo de Jehová omeʼẽ ñandéve oportunida iporãitereíva, pórke upépe oĩ umi ojeroviáva Ñandejárare ha haʼekuéra ikatu tuicha ñanemokyreʼỹ.​—Elee Romanos 1:11, 12.

Nde ikatu reñemoag̃ui Jehováre rejepyʼamongetávo umi mbaʼe reaprendévare Iñeʼẽ la Bíbliagui. Iporã repensa umi mbaʼe haʼe ojapóvare, ikonséhore ha ipromesakuérare. Ñañemboʼérõ ha jajepyʼamongetárõ ñantendéta mbaʼeichaitépa Ñandejára ñanderayhu ha iñarandu.​—Elee Josué 1:8 ha Salmo 1:1-3.

Nde ikatu reñemoag̃ui Ñandejárare rejeroviárõ añoite hese. Pe jerovia ningo haʼete peteĩ plánta tekotevẽva jarrega meme. Péicha avei tekotevẽ siémpre emombarete nde jerovia rejepyʼamongetávo mbaʼérepa reguerovia umi mbaʼe reaprendéva.​—Elee Mateo 4:4 ha Hebreos 11:1, 6.

Jehová ojepyʼapy umi persóna ohayhúvare chupe. Haʼe ñandeprotehe umi mbaʼe ikatúvagui omokangy ñande jerovia ha oapeligra pe esperánsa jaikóvo pára siémpre (Salmo 91:1, 2, 7-10). Haʼe ñandeavisa mbaʼépa ikatu ñandegueraha vai ha ñanembosufri. Jehová ñanemboʼe mbaʼépa jajapo vaʼerã jaiko hag̃ua vyʼápe.​—Elee Salmo 73:27, 28 ha Santiago 4:4, 8.