¿Mbaʼépa nde ere oikotaha ko múndogui?
¿Ndépa ere...
-
... osegitaha péicha?
-
... oho vaivetaha?
-
... omehorataha?
MBAʼÉPA HEʼI LA BIBLIA
“Ñandejára omokãmbaitéta umi hénte resay, ha ndaiporimoʼãvéima omanóva, oñelamentáva, hasẽva ni hasýva. Umi mbaʼe oiko vaʼekue yma opáma”(Apocalipsis 21:4, Ñandejára Ñeʼẽ La Biblia Traducción del Nuevo Mundo).
MBAʼÉICHAPA UPÉVA OU PORÃTA NDÉVE
Oĩta traváho iporãva ha nembovyʼátava (Isaías 65:21-23).
Opáta opaichagua mbaʼasy ha sufrimiénto (Isaías 25:8; 33:24).
Reikóta pára siémpre ha revyʼáta ne família ha amigokuérandi (Salmo 37:11, 29).
¿IKATÚPA JAGUEROVIA LA BIBLIA HEʼÍVA?
Si, jahechamína mbaʼérepa:
-
Ñandejára oreko podér okumpli hag̃ua ipromésa. La Bíbliape, Jehovápe añoite oñehenói “Ñandejára Todopoderóso” pórke haʼe oreko podér ojapo hag̃ua entéro mbaʼe (Apocalipsis 15:3). Upéicharõ, Ñandejára ikatu hína okumpli umi ipromésa omehora hag̃ua ko múndo. La Biblia heʼi voi: “Ndaipóri mbaʼeve Ñandejára ikatuʼỹva ojapo” (Mateo 19:26).
-
Ñandejára okumplise voi ipromésa. Por ehémplo, Jehovápe hiʼãitereíma omoingove jey umi omano vaʼekuépe (Job 14:14, 15).
La Biblia ohechauka avei Jesús, Ñandejára Raʼy, omonguera hague umi hasývape. ¿Mbaʼérepa haʼe ojapo upéva? Pórke ojapose voi (Marcos 1:40, 41). Itúaicha, Jesús oipytyvõse vaʼekue avei umi oikotevẽvape (Juan 14:9).
Jahechaháicha, Jehová ha Jesús ñanepytyvõse javyʼa ha jadisfruta hag̃ua pára siémpre (Salmos 72:12-14; 145:16; 2 Pedro 3:9).
MBAʼÉPA NDE ERE
¿Mbaʼéichapa Ñandejára omehoráta ko múndo?
La Biblia okontesta upéva koʼã téxtope MATEO 6:9, 10 ha DANIEL 2:44.
Koʼã téma ikatu ndegusta avei
ÑEMAÑAHA
Mbaʼépa añetehápe oikóta amo gotyove
Ñandejára heʼi koʼẽrõite umi hénte ivuénova oikotaha peteĩ hardín neporãvape ko yvy ape ári. Elee ko artíkulo ejerovia mbarete hag̃ua ko promésare.
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼépa hína Ñandejára Rréino?
Jesús opredikárõ guare oñeʼẽve vaʼekue Ñandejára Rréinore oimeraẽ ótro mbaʼégui. Ymaite guive isegidorkuéra oñemboʼe Ñandejárape oumi hag̃ua upe Rréino.
ÑEMAÑAHA
¿Mbaʼe mbaʼépa ojapóta Ñandejára Rréino?
Jesús oikuaa porã Ñandejára Rréino añoite osolusionataha umi provléma oĩva ko múndope. ¿Mbaʼérepa ikatu jajerovia hese?
ORE INFORMASIÓN
Aipota peteĩ Testígo ou chevisita
Ehecha la Biblia omboʼéva térã eikuaave umi testígo de Jehovápe.
