LEKSIÓN 03
¿Ikatúpa rejerovia la Bíbliare?
La Bíbliape jatopa heta promésa ha konsého iporãva. Ikatu oime ndegustaiterei la Biblia omboʼéva, péro repensa: “¿Sera piko siérto opa mbaʼe heʼíva pype?”. Oĩ voi opensáva ndaikatuiha jajerovia umi promésa ha konsého omeʼẽvare peteĩ lívro itujaitereíva. ¿Ha mbaʼe repensa nde? ¿Ikatúpa la Biblia nepytyvõ revyʼa hag̃ua koʼág̃ama voi ha pára siémpre? Hetaiterei hénte oguerovia si ikatuha. ¿Reikuaasépa mbaʼérepa oguerovia hikuái upéva?
1. ¿Siértopa la Biblia heʼíva, térãpa kuénto reínte?
La Biblia oasegura ñandéve umi mbaʼe oĩva pype ‘siertogua memeteha’ (Eclesiastés 12:10). Umi istória oñemombeʼúva la Bíbliape ningo siertogua memete, ha umi persóna oñeñeʼẽha pype añetehápe oexisti vaʼekue (elee Lucas 1:3; 3:1, 2). Heta istoriadór ha arkeólogo okomprova siertoha heta dáto omeʼẽva la Biblia, por ehémplo umi fécha, persóna, lugár ha umícha.
2. La Biblia haʼéramo jepe peteĩ lívro ymaiterei guarémava, ¿mbaʼérepa lomímonte ikatu jajerovia hese?
La Biblia ojeskrivírõ guare oñeñeʼẽma vaʼekue pype heta téma upe tiémpope ndojekuaáivare, upévare oĩ vaʼekue opensáva ndasiertoiha umíva. Péro heta tiémpo rire ae umi sientífiko odeskuvri umíva añetehápe oĩ porãha. Upéva ohechauka umi mbaʼe la Biblia heʼíva ‘ideprovechoha koʼág̃ama voi ha opa ára g̃uarã’ (Salmo 111:8).
3. ¿Mbaʼérepa ikatu jaguerovia oñekumplitaha la Biblia heʼíva ñande futúrore?
La Bíbliape oĩ heta profesía a omombeʼúva ñandéve “umi mbaʼe neʼĩrava oiko” (Isaías 46:10). Ha koʼã profesía ojeskrivíramo jepe heta tiémpo oiko mboyve, ni michĩmi ndojavýi. Avei omombeʼu mbaʼe mbaʼépa oikóta ko ñane tiémpope, ha omeʼẽ voi heta detálle. Ko leksiónpe ñaanalisáta unas kuánta profesía oĩva la Bíbliape ha ohechaukáva ni michĩmi ndojavyiha.
EJEPYʼAMONGETAMÍNA
Jahechamína mbaʼéichapa umi sientífiko odeskuvríva ndojoavýi la Biblia heʼívandi, ha jahecháta avei mbaʼéichapa oñekumpli unas kuánta profesía bíblica.
4. La Biblia ndojavýi oñeʼẽ jave umi téma sientífikore
Yma la majoría oguerovia vaʼekue ko yvy oñemboguapyha álgo ári. Ehecha pe VIDÉO.
Ehechamína mbaʼépa ojeskrivíma vaʼekue lívro de Jóbpe ojapóma 3.500 áñorupi. Elee Job 26:7, ha upéi erresponde ko porandu:
-
¿Mbaʼérepa ñanesorprendete ko téxto heʼíva?
Ojapo 200 áñorupinte umi sientífiko odeskuvri hague mbaʼéichapa ombaʼapo pe y, oñehenóiva síklo del água. Péro emañamína mbaʼépa heʼíma vaʼekue la Biblia ojapóma 3.500 áñorupi. Elee Job 36:27, 28, ha upéi erresponde koʼã porandu:
-
¿Mbaʼérepa ñanesorprendete ojeexplika lája ko téxtope pe síklo del água?
-
¿Mbaʼéichapa koʼã téxto nepytyvõ rejerovia hag̃ua la Bíbliare?
5. La Bíbliape ojeprofetisa vaʼekue heta mbaʼe iñimportánteva ha umíva oñekumpli
Elee Isaías 44:27–45:2, ha upéi erresponde ko porandu:
-
¿Mbaʼépa oprofetisa vaʼekue la Biblia Babilóniare 200 áño oñehundi mboyve?
Pe istória ohechauka Ciro, pe rréi de Persia, ha ijehérsito ojagarra hague Babilonia áño 539-pe ántes de Cristo. Pe siuda ningo oreko vaʼekue peteĩ rrío oprotehéva chupe, ha umi persa ombodesvia pe y ikatu hag̃uáicha okrusa ha ojagarra pe siuda. Pe siuda rokẽ ningo opyta nandi ha umi soldádo oike upérupi, ha oñorairõʼỹetére ojagarra pe siuda. Ojapóma ningo mas de 2.500 áño oñehundi hague Babilonia, ha koʼag̃aite peve eskómbro reínte opyta upépe. Jahechamína mbaʼépa la Biblia opredesi vaʼekue.
Elee Isaías 13:19, 20, ha upéi erresponde ko porandu:
-
¿Mbaʼéichapa oñekumpli raʼe ko profesía Babilóniare?
Péicha opyta Babilonia oñehundi rire, ha umi eskómbro oĩ koʼág̃a peve Irákpe
6. La Biblia oprofetisáma vaʼekue voi umi mbaʼe oikótava ñane tiémpope
La Biblia heʼi ñande jaikomaha “umi ára pahápe” (2 Timoteo 3:1). Ehechamína mbaʼépa la Biblia opredesi oiko vaʼerãha koʼág̃arupi:
Elee Mateo 24:6, 7, ha upéi erresponde ko porandu:
-
Según ko téxto, ¿mbaʼéichapa ojeikóta umi ára pahápe?
Elee 2 Timoteo 3:1-5, ha upéi erresponde koʼã porandu:
-
Según ko téxto, ¿mbaʼéichapa la hénte oñekomportáta umi ára pahápe?
-
¿Mbaʼéichapa oñekomporta la hénte pe nde reikohárupi?
OĨRAMO HEʼÍVA: “La Biblia ningo haʼe peteĩ lívro omombeʼúva kuénto reínte”.
-
¿Mbaʼépa eréne chupe? ¿Mbaʼépa ndéve nekonvense la Biblia heʼiha la verda?
RRESÚMEN
Pe istória, umi sientífiko odeskuvríva ha umi profesía, ohechauka ikatuha jajerovia la Bíbliare.
Rrepáso
-
¿Siértopa la Biblia heʼíva, térãpa kuénto reínte?
-
¿Mbaʼe téma sientífikorepa oñeñeʼẽ avei la Bíbliape?
-
¿Ndépa ere la Biblia ikatuha opredesi umi mbaʼe oikótava? ¿Mbaʼérepa repensa upéicha?
EINVESTIGA HAG̃UA
¿Ojavýpa la Biblia oñeʼẽ jave pe siénsiare?
“¿Okontradesípa la Biblia la siénsiape?” (Artíkulo oĩva jw-pe)
¿Mbaʼépa heʼi la Biblia oiko vaʼerãha umi ára pahápe?
“6 profesía bíblica oñekumplíva ñane tiémpope” (La Atalaya 1 de mayo de 2011)
Ehecha mbaʼéichapa oñekumpli vaʼekue umi profesía oñeʼẽva pe império griégore.
Ehechamína mbaʼéichapa umi profesía oipytyvõ peteĩ karaípe okambia hag̃ua opensa lája la Bíbliare.
“Ndagueroviái vaʼekue Ñandejára oexistiha” (Ñemañaha número 5 de 2017)
a Profesía haʼe umi mensáhe oúva Ñandejáragui, omombeʼu hag̃ua umi mbaʼe neʼĩrava oiko.
Koʼã téma ikatu ndegusta avei
OÑEPORANDU MEMÉVA
¿Mbaʼéichapa umi testígo de Jehová ojapo peteĩ kúrso bíblico?
Ko kúrso bíblico oofresévape ndéve umi testígo de Jehová eipurukuaa pe traduksión bíblica ndegustavéva. Ndojekovrái mbaʼevete. Ikatu einvita ne família térã ne amigokuérape oĩ hag̃ua.
