Jesús oĩrõ guare ko yvy ape ári ohechauka vaʼekue ñanderayhuetereiha, ha hekove jepe omeʼẽ ñanderehehápe (Mateo 20:28; Juan 15:13). Koʼẽrõite haʼe ohechauka jeýta mbaʼeichaitépa ñanderayhu oipuru porãvo pe autorida oñemeʼẽva chupe kómo Rréi Ñandejára Rréinope. ¿Mbaʼéichapa ojapóta upéva? Haʼe ogoverna vove ko yvy, “ndaiporimoʼãvéima ni peteĩ gérra” (Salmo 46:9).

 Ehechamína mbaʼépa heʼi la Biblia ojapotaha Jesús:

•   “Umi imboriahúva ningo ojerure asy ajúda, ha haʼe katuete osalváta chupekuéra. Avei oipytyvõta umi iñumíldevape ha umi ndorekóivape avave odefende vaʼerã chupekuéra. Haʼe oiporiahuverekóta umi hénte umíldepe ha umi imboriahúvape, ha katuete osalváta chupekuéra. Heta hénte osufri umi governánte iñañáva poguýpe, péro pe rréi osalváta chupekuéra” (Salmo 72:12-14).

 ¿Mbaʼéichapa ikatu jaagradese entéro mbaʼe Jesús ojapóma vaʼekue ha ojapótaitiva ñanderehehápe? Ohechaukaháicha Lucas 22:19, Jesús ojerure jasegi hag̃ua ñanemanduʼa isakrifísiore. Upévare ore testígo de Jehová roñembyaty káda áño rogueromanduʼa hag̃ua Jesús omano hague día. Ko áño rojapóta upéva domingo 24 de marzo, ha roinvita oremoirũmi hag̃ua nde avei.

Moõpa ojegueromanduʼáta Jesús sakrifísio