Isasü nachiki na sülaülashiikana mma jee na wayuu achajaakana süchiki anajirawaa, paaʼinwaain na wayuukana sainküin mma. Maaʼulu yaa, akooʼomüinraasü maʼin tü atkawaakat suulialeʼeya tü eepuʼukat soʼu tü kanüliakat Segunda Guerra Mundial. Eeshii maʼaka 2 miyoone wayuu kepiakana eere eein atkawaa.

 ¿Jamüsü isakana nachiki na wayuukana anajiraain naya? ¿Jamüsüche sünüiki tü Bibliakat süchiki tia?

1.  1. Nnojotsü anain namüin na wayuukana anajiraain naya namaa na waneinnua. Süküjatüjülia tü Bibliakat jamüinjatüin sukuwaʼipa wayuu, «kapüleerü neʼe naaʼin nakuwaʼipa namüiwaʼa, alanaʼaleejeeria namüin sujutu nneerü, aʼwaataweena saaʼu wanee kasa, pülayaajeerü naaʼin [...], nnojoleena naya waneepiain namaa na waneinnua [...], nnojoleerü anashiin namüin anajiraain naya [...], nnojoleerü nachecherüin naaʼin, wayuujeena jashichi naya [...], macheʼejeena süchiirua tü namakat, yaleteerü naaʼin» (2 Timoteo 3:2-4).

2.  2. Isasü nachiki na wayuukana nanoutuin tü kasa mojusü alatakat namüin, aluʼujasaʼa nakaaliinjünüle nutuma chi Kakumajalakai kasakat süpüshuaʼa, chi Maleiwa kanüliakai Jehová. a Saashin tü Bibliakat «nnojoireejaʼa niainjachin oʼunirüin nukuwaʼipa nümüiwaʼa» chi wayuukai (Jeremías 10:23).

3.  3. Nia Satanás chi Yolujaakai aluwataakai saaʼu tü mmakat, pülashi jee mojulaashi nia, saashin tü Bibliakat nia «emeejakai wayuu sainküin mmakat» (Apocalipsis 12:9). Süka niain Satanás chi kajapuluʼukai nakuwaʼipa na wayuu manoujainsaliikana, eesü atkawaa jee kasachiki sainküin mma (1 Juan 5:19).

 Ashajünüsü suluʼu tü Bibliakat eejeerüin anajirawaa, nnojoleerü nountuin tia na wayuukana nieechi ountaka tia chi Maleiwakai.

•   «Tatüjaa aaʼu tü taainjainjatkat jüpüleerua, nnojoleena jia müliain aaʼin. Taapeerü wanee anaa jümüin otta aneerü jukuwaʼipa tatuma watta kaʼi» (Jeremías 29:11).

 ¿Kasa naaʼinrajatka Maleiwa süpüla eein nutuma anajirawaa? «Meechi nuchuwerajaanakai aaʼin Satanás nutuma chi Maleiwa aapakai jimataa aaʼin sümüin wayuu» (Roma 16:20). Eejeerü anajirawaa nutuma Maleiwa nuluwataapa saaʼu tü mmakat (Lucas 4:43). Nuluwataapa Jesús saaʼu tü mmakat nutuma Maleiwa, anajiraweena napüshuaʼa na wayuukana (Isaías 9:6, 7).

•   Pütüjeere sooʼomüin paashajeʼera tü pütchikat «¿Kaseerü eeka sutuma Nuluwataaya Maleiwa?».