Iraua Aran te Atua?
Ana kaeka te Baibara
Bon tii teuana aran te Atua. E koreaki n aron aei יהוה n te taetae n Ebera ao e atongaki n te taetae ni Kiribati bwa “Iehova”. * Rinanon ana burabeti te Atua are Itaia, e taku te Atua: “Bon Iehova ngai. Bon aei arau.” (Itaia 42:8) E kaania 7,000 okiokin arana n Baibara nikawai—e bati riki kamanenaana nakon taeka aika te Atua ke araia aomata riki tabeman. *
Iai riki aara tabeua ibukin Iehova?
E bon tii taekinna te Baibara bwa tii teuana aran te Atua, ae e kabwarabwaraa nakoana ao aroarona. Ni baika a karinanaki i nano aikai tabeua taian nakoa ao kabwarabwaraaia mai iai a kaotia bwa e kangaa teuana mai iai ni kaineti ma kanoan aroaron Iehova.
Te Nakoa |
Kabwarabwaraana |
Nanona |
|---|---|---|
Allah |
(Akea) |
E nako man te taeka n Arabia ae “Allah” ae tiaki aran te aomata ma e nanonaki iai nanon te nakoa ae “te Atua.” A kamanena “Allah” Baibara n Arabia ao taetae riki tabeua ni katitebooa ma “te Atua.” |
Moan te Mwaaka |
Iai mwaakana. E kabwarabwaraa te taetae n Ebera ae ʼEl Shad·daiʹ, “Te Atua ae Moan te Mwaaka,” itua te tai okiokina n te Baibara. |
|
Te Arebwa ao te Omeka |
“Te moan ao te kabane,” ke “te moa ao te toki,” e nanonaki iai bwa akea te Atua ae Moan te Mwaaka imwain Iehova ao akea naba imwina. (Itaia 43:10) Te Arebwa ao te Omeka bon te moan ao te kabane n reta ni manin te koroboki n te taetae ni Kuriiti. |
|
Teuare iai Mangkoangkoa |
Akea moana ao tokina ao ai kaman iai ngaia imwaia aomata nako ke te bwai riki teuana.—Taian Areru 90:2. |
|
Te Tia Karikiriki |
E karikii bwaai ni kabane. |
|
Te Tama |
Te Tia Anga te Maiu. |
|
Te Atua |
E bon riai n taromauriaki; Teuare korakora. Te taeka n Ebera ae ʼElo·himʹ e mwaiti, ae irekereke ma mimitongin Iehova, karineana, ke moanibaan raoiroina. |
|
Atuaia atua |
Te Atua ae moan te rietata, ae kaitaraan raoi “atua aika akea manenaia” ae a taromauria tabeman.—Itaia 2:8. |
|
Te Tia Reirei ae Moan te Kakannato |
E anga te reirei ao e kairirira n te kawai.—Itaia 48:17, 18. |
|
Te Tia Karaoira ae Moan te Kakannato |
E karikii bwaai ni kabane.—Te Kaotioti 4:11. |
|
Te Atua ae Kukukurei |
E kimwareirei ao e kukukurei.—Taian Areru 104:31. |
|
Te Tia Ongo te tataro |
E ongoraei tataro ni kabane ake a nako man te onimaki. |
|
Ae Ngai Ae Boni Ngai |
Te Otinako 3:14, King James Version |
E riki bwa te bwai ae tangiria ibukini kakororaoan nanona. E rairaki naba te taeka aei bwa “N na riki bwa te bwai ae I tangiria nako iai” ke “N na Riki bwa te Bwai ae I Rineia bwa N na Riki Iai.” (The Emphasised Bible, by J. B. Rotherham; New World Translation) E ibuobuoki te kabwarabwara aei n ataa aroni kabwarabwaraan te ara ae “Iehova” ae oti n te kibu ae imwina.—Te Otinako 3:15. |
Tauaninne |
Te Otinako 34:14, King James Version |
Akea te un n te taromauri. E rairaki naba te taeka bwa “e aki unun” ao “ataaki ibukin arona n taromauri.”—Ana Taeka te Atua ae te Baibara; Te Rairai ae te Aonnaba ae Boou. |
Te Uea n aki totoki |
Akea moan ke tokin ana kairiri. |
|
Te Uea |
Te tia bwaibwai ke te mataniwi; Ebera ʼA·dhohnʹ ao ʼAdho·nimʹ. |
|
Atuaia taanga ni buaka |
Itaia 1:9, King James Version; I-Rom 9:29, King James Version |
Aia mataniwi kaain te taanga ni buaka aika anera. Te nakoa ae “Atuaia Taanga ni Buaka” e kona n irekereke ma “ana taanga ni buaka Iehova” ao “Atuaia taanga ni buaka [i karawa].”—I-Rom 9:29, Te Rairai ae te Aonnaba ae Boou, te kabwarabwara mai nano. |
Moan te Rietata |
E bon rangi ni kakannato. |
|
Teuare Moan te Tabu |
Taeka n Rabakau 9:10 |
Moan te tabu (e rangi n itiaki ke n itiwewe) nakoni bwaai riki tabeua. |
Te Tia Karaomwangko |
Iai inaomatana i aon temanna ma temanna ke natannaomata, n aron te tia karaomwangko ae iai inaomatana n ana karaobwai.—I-Rom 9:20, 21. |
|
Te Tia Manga Kabooko |
Itaia 41:14; King James Version |
E kabooa mwin te bure ao te mate are a rotaki iai aomata rinanon ana karea ni kaboomwi Iesu Kristo.—Ioane 3:16. |
Te Bwaa |
Bon te tabo ni kamanomano ao nibwan te kamanomano. |
|
Te Tia Kamaiu |
E kamaiuira man te kangaanga ao te kabuanibwai. |
|
Te Tia Kawakinira |
E tabeakinia taan taromauria. |
|
Te Uea ae Moan te Rietata |
Bon te tia tautaeka ae te kabanea n rietata n te aonnaba; Ebera ʼAdho·naiʹ. |
|
Teuare Moan te Rietata |
Te tia tautaeka ae moan te rietata. |
Nnen aara n te Koroboki ae Tabu n te Taetae n Ebera
A karin aara n taabo tabeua n te Baibara n ikotaki ma aran te Atua, ma a aki kakabonganaaki aara aikai ibukin te Atua.
Nnen aara |
Kabwarabwaraana |
Nanona |
|---|---|---|
Iehovaiira |
“Iehova ae e na Katauraoia.” |
|
Iehovaniti |
“Iehova Au Maro.” (Today’s New International Version) Iehova bon te Atua ae a kona ni kawaria ana aomata ibukini kamanoaia ao buokaia.—Te Otinako 17:13-16. |
|
Iehova-tiarom |
“Iehova bon te Raoi.” |
|
Iehova-tiamma |
Etekiera 48:35, kibu mai nano, American Standard Version |
“E Mena Iai Iehova.” |
Bukina ngkai e riai n ataaki ao ni kabonganaaki aran te Atua
E iangoia te Atua bwa e riai n rangi ni kakawaki arana ae Iehova, ibukina bwa e kaania te nga tabun mwaitina n te Baibara.—Maraki 1:11.
Natin te Atua ae Iesu, e kaota naba kakawakin aran te Atua. Ibukin anne, e tataro nakon Iehova ni kangai: “E bia katabuaki aram.”—Mataio 6:9; Ioane 17:6.
Naake a ataa ao ni kamanena aran te Atua, a toua te moani mwaneka nakon aia iraorao ma Iehova. (Taian Areru 9:10; Maraki 3:16) E kairiia aia iraorao aei bwa a na kakoauaa ana berita te Atua ae kangai: “Ibukina bwa iai tatangirau irouna, ao N na kamaiua. N na kamanoa ibukina bwa e ataa arau.”—Taian Areru 91:14.
E kangai te Baibara: “Iai baika aranaki bwa atua i karawa ke n te aonnaba, ao a bati naba aika a atongaki irouia aomata bwa atua ma ueea.’ ” (1 I-Korinto 8:5, 6) Ma e bon taekina te Atua ae tii temanna ae koaua n arana ae Iehova.—Taian Areru 83:18.
^ bar. 1 A iangoia taan rabakau n te taetae n Ebera tabeman bwa aran te Atua bon “Iawe”.
^ bar. 1 Aran te Atua ae “Iah,” e kaania 50 te tai okiokina n te Baibara, n ikotaki ma te taeka ae “Areruia,” ae nanona “Karaoiroa Iah.”—Te Kaotioti 19:1; American Standard Version; King James Version.
Ko Bae Naba n Tangira
TITIRAKI AIKA KAEKAAKI MAN TE BAIBARA
Antai Iehova?
Tiaki bon atuaia te botannaomata teuana, n aroia I-Iteraera?
REIREI AIKA RANGI NI KAKAWAKI N TE BAIBARA
Iai Aran te Atua?
A bati nakoan te Atua n aron, Moan te Mwaaka, te tia Karikiriki, ao te Uea. Ma e kabonganaaki aran te Atua 7,000 tabun te tai n te Baibara.
TITIRAKI AIKA KAEKAAKI MAN TE BAIBARA
Aran te Atua Iesu?
E tuai man taekinna Iesu bwa te Atua ae Moan te Mwaaka ngaia. Bukin tera?
TITIRAKI AIKA KAEKAAKI MAN TE BAIBARA
Antai ke Tera “te Arebwa ao te Omeka”
E aera ngkai e tonuraoi te nakoa aei?
RONGORONGORA
Bubutii Reireim n te Baibara ae Aki Kabooaki ma Ana Tia Kakoaua Iehova
Discuss a Bible topic with Jehovah’s Witnesses, or try out our free Bible study program.