Itaia 43:1-28
43 E kangai ngkai ana taeka Iehova ae am tia Karikiriki,Ngkoe ae Iakoba, ao Teuare karaoiko, ngkoe ae Iteraera:+
“Tai maaku bwa I a tia ni manga kabooko.+
I weteiko n aram.
Bon au bwai ngkoe.
2 Ngkana ko rinanon te ran ao N na memena iroum,+Ao ngkana ko rinanoni karaanga, ao ko na aki iekaki iai.+
Ngkana ko nakonako rinanon te ai ao ko na aki bue,Ao e na aki naba kaurako te ai.
3 Bwa bon Iehova ngai ae Atuam,Are Teuare Tabu iroun Iteraera, ae am tia Kamaiu.
I a tia n anga Aikubita bwa te kaboomwi ibukim,Ao Itiobia ma Teeba n onea mwim.
4 Ibukina bwa ko rangi ni kakawaki i matau,+Ko karineaki, ao I tangiriko,+Mangaia ae N na anganako aomata bwa oneani mwimAo natannaomata bwa booni mwini maium.
5 Tai maaku bwa I memena iroum.+
N na kairiia kanoam* mai mainiku,Ao N na ikotiko mai maeao.+
6 N na kangai nakoni meang, ‘Aanga ngaiia!’+
Ao nakoni maiaki, ‘Tai tauia.
Kairiia natiu mwaane mai kiraroa, ao natiu aine mai tabon nako aonnaba,+
7 Aika aomata ni kabane aika ingoanaki n arau,+Ao aika I karikiia ibukin neboakiu,Ake I kateiraoiia ao ni karaoiia.’+
8 Kaotinakoa te natannaomata ae mataki e ngae ngke iai mataia,Ao ae a bonotaninga e ngae ngke iai taningaia.+
9 Ke a bane n ikotaki natannaomata n te tabo teuana,Ao ke a bane n ikotaki botannaomata.+
Antai i buakoia ae kona ni kaota te baei?
Ke a kona ni karaoira bwa ti na ongo baika a na roko moa?*+
Ke a kateiia aia tia kakoaua bwa a na kaotia ae a eti,Ao ke a ongora ao ni kangai, ‘Bon te koaua!’”+
10 “Bon au tia kakoaua ngkami,”+ bon ana taeka Iehova,“Eng, au toro aika I rineiia,+Bwa kam aonga n ataai ao n onimakinai,Ao kam aonga n ota bwa boni ngai Teuare aki bibitaki.+
Akea te Atua ae karaoaki imwaiu,Ao bon akea naba imwiu.+
11 Bon Iehova ngai,+ ao bon akea riki te tia kamaiu i rarikiu.”+
12 “Boni Ngai ae I tua ao I kakamaiu ao I kaotiotiNgke akea te atua ae ianena i buakomi.+
Mangaia ae bon au tia kakoaua ngkami,” bon ana taeka Iehova, “ao bon te Atua ngai.+
13 Ao I teimatoa naba Ngai n aki bibitaki,+Ao akea temanna ae kona ni burita te bwai teuana mai baiu.+
Ngkana I karaoa te mwakuri, antai ae kona n tukia?”+
14 E kangai ana taeka Iehova, ae te tia Manga Kabooingkami,+ ae Teuare Tabu iroun Iteraera:+
“N na kanaanako nako Baburon ibukimi, ao N na kabwakai ni kabane kaini kamatoaani mataroan taian oo,+Ao a na tang I-Kareria i nanon aia kaibuke ibukin rawawataia.+
15 Bon Iehova ngai ae Teuare Tabu+ iroumi, ae ana tia Karikiriki Iteraera,+ ae ami Uea.”+
16 E kangai ana taeka Iehova,Are Teuare karaoa te kawai rinanon taari,Ao te kawai rinanon naba karaanga aika buaka,+
17 Are Teuare kaotinakoa te kaa ni buaka ma te aoti,+
Ao te taanga ni buaka ma taani buaka aika korakora:
“A na wene, ao a na aki teirake.+
A na tiringaki, ao a na katokaki uraia n ai aron te wiki ae ura.”
18 “Tai uringi bwaai ake rimoa,Ao tai iaiangoi taai aika nako.
19 Noria! Ae I a karaoa te bwai ae boou.+
Ao e ririkirake naba ngkai.
Kam aki ataia?
N na karaoa te kawai rinanon te rereua+Ao karaanga rinanon te rereua.+
20 A na karineai manin te tawaana aika moaanti,Aika tiakaore* ma aotireti,*Bwa I katauraoa te ran n te rereua,Ao karaanga n te rereua+Bwa a na moi iai au aomata, ae au natannaomata ae I rineia,+
21 Ae te natannaomata ae I karaoia ibukiu,Bwa a aonga n tataekina karaoiroau.+
22 Ma ko aki weteai ngkoe ae Iakoba,+Ibukina bwa ko a kua irou ngkoe ae Iteraera.+
23 Ko aki uotii nakoiu taian tiibu bwa am karea ni kabuekaki aika bwanin,Ke n neboai n am angakarea.
I aki kairoroko bwa ko na uota te bwaintituaraoi nakoiu,Ao I aki naba kakuako ni kairoroa te ribano.*+
24 Ko aki kabooa te kaitioka* ibukiu n am mwane,Ao ko aki katoka nanou ni mwaeten am karea.+
Ma ko karawawataai n am bureAo ko kakuaai n am kairua.+
25 Boni ngai Teuare kamaunai ami kairua*+ i bon ibukiu,+Ao N na aki uringi am bure.+
26 Kauringai, ao kariaia bwa ti na uaia n tei n te boowi,Ao kaota taekan arom ni kaotia bwa ko bon eti.
27 E bure am moani bakatibu,Ao a karitei nakoiu am tia taetae.*+
28 Mangaia ae N na kamwaraeia natinuea mwaane ake n te tabo ae tabu,Ao N na anga Iakoba nakon te kamaunanakoaki,Ao N na anga Iteraera nakon te taetae ni kabuakakaaki.+
Taiani Kabwarabwara Mai Nano
^ Ebera, “am kariki.”
^ Tao e kaineti nakoni baika a na roko moa n taai aika a na roko.
^ Nora Nanon Taeka, “Maan.”
^ Nora Nanon Taeka, “Maan.”
^ Nora Nanon Taeka.
^ Bon te aroka ae boiarara. E aki ataaki raoi bwa tera te aeka n aroka aei.
^ Ke, “mwakuri ni karitei.”
^ Tao e kaineti nakoia taan angareirei n te Tua.
