Itaia 35:1-10
35 E na kakatonga te rereua ma te aba ae mwauteretere,+Ao e na kimwareirei te rereua ae aoraoi ao e na onrake n te uee ae te taberon.+
2 E na bon uee,+E na kakatonga ao n takarua ni kimwareirei.
E na anganaki karinean Rebanon+Ao tamaroani Karemera+ ma Tiaron.+
Ane a na nora mimitongin Iehova, ae tamaroan Atuara.
3 Kakorakorai baai aika mamaara,Ao kamatoai bubuaniwae aika ruru.+
4 Kangai nakoia te koraki aika tabeaianga nanoia:
“Kam na korakora. Tai maaku.
Noria! E na roko Atuami ma te karekekai,E na roko te Atua ma te katuuaa.+
E na roko ao e na kamaiuingkami.”+
5 N te tai anne ao a na kaureaki mataia aomata aika mataki,+Ao a na kaukaki taningaia aomata aika bonotaninga.+
6 N te tai anne ao e na ewewe te mwauku n aron te ria,+Ao e na takarua ni kimwareirei newen ane e baennewe.+
Bwa a na koburake raan n te rereua,Ao karaanga n te rereua ae aoraoi.
7 E na riki te tabo ae mwauteretere imwin te kabuebue bwa te nei ni maunei,Ao te tano ae bwatakataka bwa taiani koburake n ran.+
E na riki te uteute ae kiriin, te maunei, ao te aroka ae riiriki n te ran,*I nanoni bwangaia tiakaore* ake a momotirawa iai.+
8 E na mena ikanne te kawai ae totouaki,+Eng, te kawai ae arana Kawain te Tabu.
E na aki mwananga i aona te aomata ae kamwara.+
E kaokoroaki ibukin te aomata ae nakonako n te kawai,Ao akea te aomata ae nanobaba ae e na tiotionako nako aona.
9 E na akea te raian ikanneAo akea maan aika moaanti aika tiritiri aika a na roko i aona.
A na aki reke ikanne,+Ma tii te koraki aika manga kabooaki aika a na nakonako ikanne.+
10 A na oki ao n nako Tion ma te tang ni kimwareirei+ te koraki ake a a manga kabooaki iroun Iehova.+
A na baunaki atuia n te kimwareirei ae akea tokina.+
E na riki te kakatonga ma te kukurei bwa aia bwai,Ao e na birinako te nanokawaki ma te ikenrawa.+
Taiani Kabwarabwara Mai Nano
^ Ebera, “babirati.” Te aroka ae riki n te neinei ao e kona ni beibeti kaina.
^ Nora Nanon Taeka, “Maan.”
