Mɛni Hewɔ Nyɛkɛ Krɔs Tsuuu Nii yɛ Nyɛjamɔ Mli Lɛ?
Mɛi kpotoo naa krɔs lɛ akɛ Kristojamɔ kadimɔnɔ. Eyɛ mli akɛ Yehowa Odasefoi ji Kristofoi moŋ, kɛlɛ wɔkɛ krɔs tsuuu nii yɛ wɔjamɔ mli. Mɛni hewɔ?
Yiŋtoo kome ji akɛ, Biblia lɛ tsɔɔ akɛ Yesu gbo yɛ tso jaŋŋ nɔ, shi jeee krɔs nɔ. Kɛfata he lɛ, Biblia lɛ bɔɔ Kristofoi kɔkɔ ni yɔɔ hiɛdɔɔ akɛ, ‘amɛjo wɔŋjamɔ naa foi,’ ni tsɔɔ akɛ amɛkɛ krɔs lɛ tsuŋ nii yɛ jamɔ mli.—1 Korintobii 10:14; 1 Yohane 5:21.
Nɔ ni sa kadimɔ ji akɛ, Yesu kɛɛ akɛ: “Kɛji nyɛsumɔɔ nyɛhe lɛ, no mɛi fɛɛ kɛaale akɛ mikaselɔi ji nyɛ.” (Yohane 13:34, 35) No hewɔ lɛ, Yesu tsɔɔ akɛ suɔmɔ ni ajɛɔ tsuiŋ ajieɔ lɛ kpo ji nɔ ni baakadi enɔkwa sɛɛnyiɛlɔi lɛ—jeee krɔs loo nibii krokomɛi ni tamɔ nakai.
Ekolɛ Obaasumɔ Enɛ Hu
BIBLIA TSƆƆMƆI NI HE HIAA WAA
Ani Nyɔŋmɔ Sumɔɔ Ni Atsɔ Amagai Loo Amɛhenɔi Lɛ Anɔ Ajá Lɛ?
Ani amɛbaanyɛ amɛye amɛbua wɔ ni wɔbɛŋkɛ Nyɔŋmɔ ni wɔnyɛɛɛ wɔna lɛ lɛ?
BIBLIA TSƆƆMƆI
Kaa Wɔ-Biblia Kasemɔ Lɛ Okwɛ
Biblia kasemɔ ni baafee sanegbaa ni mɔ ko baawa bo; aheee shika.