Sanebimɔi ni Biblia lɛ Ehã Hetoo
Te gbekɛbii aaafee tɛŋŋ amɛsumɔ Nyɔŋmɔ?
Okɛ adebɔɔ nibii atsu nii kɛye obua obi lɛ ni ele Nyɔŋmɔ ní esumɔ lɛ
Ja obii lɛ ená nɔmimaa akɛ Nyɔŋmɔ yɛ ni akɛ, esumɔɔ amɛ dani amɛbaanyɛ amɛsumɔ lɛ. Dani amɛbaasumɔ Nyɔŋmɔ lɛ, esa akɛ amɛle lɛ. (1 Yohane 4:8) Akɛ nɔkwɛmɔnɔ lɛ, esa akɛ amɛle: Nɔ hewɔ ni Nyɔŋmɔ bɔ gbɔmɔ. Nɔ hewɔ ni Nyɔŋmɔ eŋmɛ amanehulu gbɛ. Nɔ ni Nyɔŋmɔ baafee ahã adesai wɔsɛɛ.
Kɛ́ obaanyɛ oye obua obii lɛ ni amɛsumɔ Nyɔŋmɔ lɛ, esa akɛ ohã amɛna akɛ bo diɛŋtsɛ lɛ osumɔɔ lɛ. Kɛ́ amɛna nakai lɛ, ekã shi faŋŋ akɛ amɛbaakase bo.
Te ooofee tɛŋŋ oshɛ obii lɛ atsui he?
Nyɔŋmɔ Wiemɔ lɛ yɛ hewalɛ. (Hebribii 4:12) No hewɔ lɛ ye obua obii lɛ ni amɛkase Biblia mli shishijee tsɔɔmɔi lɛ. Yesu bi mɛi saji, ebo amɛ toi, ni egbala Ŋmalɛi lɛ amli etsɔɔ amɛ, ni no hã eshɛ amɛtsui he. Bɔ ni afee ni oshɛ obii lɛ atsui he lɛ, obaanyɛ okase gbɛi ni Yesu tsɔ nɔ etsɔɔ nii lɛ.—Kanemɔ Luka 24:15-19, 27, 32.
Kɛfata he lɛ, Biblia mli saji ni tsɔɔ bɔ ni Nyɔŋmɔ kɛ ewebii lɛ ye ehã lɛ baanyɛ aye abua gbekɛbii ni amɛle Nyɔŋmɔ, ni amɛsumɔ lɛ. Akɛ woji ni abaanyɛ akɛtsu enɛ he nii lɛ ewo www.pr418.com/gaa lɛ nɔ.—Kanemɔ 2 Timoteo 3:16.
Ekolɛ Obaasumɔ Enɛ Hu
GBEKƐBII
Okɛ Yehowa Abɔ Naanyo
Vidioi,lalai, kɛ nifeemɔi ni aprintiɔ kɛkaseɔ nii nɛɛ yeɔ ebuaa gbekɛbii lɛ ni amɛleɔ nibii ni esa akɛ amɛfee kɛsa Nyɔŋmɔ hiɛ.
MI-WOLO NI GBAA BIBLIA MLI SAJI
Mi-Wolo ni Gbaa Biblia Mli Saji—Hiɛkpamɔ
Nibii ni tee nɔ diɛŋtsɛ ni abɔ he amaniɛ yɛ Biblia lɛ, ni ji wolo ni fe fɛɛ yɛ je lɛ mli lɛ mli, ni ehãa wɔnaa nibii ni etee nɔ kɛjɛ be ni abɔ shikpɔŋ lɛ.
WOJI SRƆTOI
