Vei Ira na Iperiu 5:1-14
5 Na bete levu kece e digitaki mai na kedra maliwa na tamata, e lesi me veiqaravi vua na Kalou ena vukudra,+ me vakacabora kina na isolisoli kei na isoro ni ivalavala ca.+
2 E yalololoma o koya vei ira na lecaika kei ira na caka cala, ni tiko tale ga nona malumalumu,
3 o koya gona e dodonu me cabora na isoro ni ivalavala ca ena vukuna, ena vukuda tale ga.+
4 E sega ni dua e lesi koya ga ena itavi dokai qo, e ciqoma qori ni kacivi koya kina na Kalou, me vakataki Eroni ga.+
5 E vaka kina na Karisito, e sega ni vakalagilagi+ koya ena nona sa bete levu, e vakalagilagi koya ga na Kalou ni kaya: “O iko na luvequ, nikua au sa wili meu tamamu.”+
6 Me vaka e tukuna ena dua tale na vanua, “O bete tawamudu ena ivalavala vata ga i Melikiseteki.”+
7 Ena nona bula voli e vuravura, e vakamamasu o Karisito, e kerekere tale ga, salavata na nona tagi vakaukaua kei na wainimatana+ vei koya e rawa ni vakabulai koya mai na mate, mani rogoci na nona masu ni rerevaka na Kalou.
8 E dina ni luvena, ia e vulica na talairawarawa mai na veika rarawa e sotava.+
9 Ni sa vakataucokotaki oti,+ sa qai vakatau vua na nodra vakabulai tawamudu o ira kece na talairawarawa vua,+
10 baleta ni vakatokai koya sara ga na Kalou me bete levu me vakataki Melikiseteki.+
11 E levu sara na ka me keitou tukuna baleti koya, ia e dredre na vakamacalataka ni sa rui berabera na nomuni vakarorogo.
12 Ni sa dodonu makawa moni qasenivuli, ia qo oni vinakata tale me dua e vakavulici kemuni ena ivakavuvuli rawarawa+ wale me baleta na veika vuni ni vosa ni Kalou, oni sa viagunu sucu tale, oni sega ni vinakata na kakana dina.
13 O koya e viagunu sucu tiko ga e sega ni kila na vosa ni yalododonu, ni se gone dramidrami.+
14 Ia na kakana dina e rauti ira na matua era vakayagataka nodra vakasama,* e vakavulici me vakaduiduitaka na ka e donu mai na ka e cala.
iVakamacala e ra
^ Se “matua e vakavulici na nodra vakasama.”
