Ena Marau Vakacava na Vuvale?
O nanuma ni rawati ena . . .
-
loloma?
-
ilavo?
-
dua tale na ka?
KA E KAYA NA IVOLATABU
“Ke dou kila na ka kece qo, dou na qai marau ke dou cakava!”—Joni 13:17, Vakadewa ni Vuravura Vou.
KENA YAGA VEI IKO
EDA RAWA NI VAKABAUTA NA KA E KAYA NA IVOLATABU?
Io, qo e rua na vuna:
-
Na Kalou e Tauyavutaka na bula vakavuvale. E kaya na iVolatabu ni Kalou o Jiova e “vakayacani ira na vuvale kece.” (Efeso 3:14, 15, Vakadewa ni Vuravura Vou) O Jiova ga a vakavuna me tu na vuvale ena gauna qo. Na cava e bibi kina qo?
Vakasamataka mada: Ke o taleitaka e dua na kakana vakatitiweli qai via kila na kena isaluwaki, o na tarogi cei? O na tarogi koya ga e vakasaqara.
Ke o via kila tale ga se me marau vakacava na vuvale, e dodonu ga mo rai vei Jiova ni o koya e Tauyavutaka na bula vakavuvale.—Vakatekivu 2:18-24.
-
E kauaitaki iko na Kalou. E ka vakayalomatua vei ira na vuvale mera qara na ivakasala i Jiova ena nona Vosa. Na vuna? “Ni kauaitaki kemuni o koya.” (1 Pita 5:6, 7) E kila o Jiova na ka ena vinaka vei keda—e dau mana tu ga nona ivakasala!—Vosa Vakaibalebale 3:5, 6; Aisea 48:17, 18.
VAKASAMATAKA MADA
Rawa vakacava mo dua na ulunivale vinaka, radinivale vinaka se itubutubu vinaka?
E sauma na iVolatabu ena EFESO 5:1, 2 kei na KOLOSA 3:18-21.
Rawa ni o Wilika Tale ga
YADRA!
iVakasala Vuku Mo Marautaka Kina na Bula Vakavuvale
Na cava mera cakava na tagane kei na yalewa vakawati, itubutubu kei ira na gone me marautaki kina na bula vakavuvale?
SAUMI NA TARO VAKAIVOLATABU
Cava e Kaya na iVolatabu me Baleta na Vakawati?
Ena vukei rau na veiwatini na ivakavuvuli vakaivolatabu me rau walia na ituvaki dredre.
SAUMI NA TARO VAKAIVOLATABU
E Rawa ni Vukei Au na iVolatabu me Marau na Noqu Vuvale?
iVakasala yaga mai na iVolatabu e vukei ira na milioni na tagane kei na yalewa me marau nodra vuvale.
BALETI KEIMAMI
Vuna mo Vulica Kina na iVolatabu
Na iVolatabu e sauma na ka era dau lomatarotarotaka tu e levu e veiyasa i vuravura. O na via kila tale ga?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
