Ni se bula e vuravura o Jisu, dua na ka na levu ni nona lomani ira na tamata, e solia tale ga na nona bula ena vukudra. (Maciu 20:28; Joni 15:13) Sa voleka na gauna me vakaraitaka tale kina nona lomani ira, ya ni sa na Tui ni Matanitu ni Kalou ena qai “vakaotia.  .  . na ivalu e vuravura taucoko.”​—Same 46:9.

 Qo na ka e kaya na iVolatabu ni na cakava o Jisu:

•   “Na vakabula o koya na dravudravua e tagi ni kere veivuke, o koya tale ga na vakaloloma kei koya e sega ni vukei. Ena lomani ira na vakaloloma kei na dravudravua, ena vakabula tale ga na dravudravua. Ena vakabulai ira mai na veivakasaurarataki kei na ivalavala kaukaua.”​—Same 72:12-14.

 Eda na vakaraitaka vakacava noda vakavinavinakataka na ka kece e cakava o Jisu ena vukuda, kei na ka ena vakarau cakava? Ena Luke 22:​19, e kaya o Jisu vei ratou nona imuri me ratou vakananuma nona mate. Qori na vuna era dau vakananuma kina e veiyabaki na iVakadinadina i Jiova na siga ni nona mate o Jisu. Keimami sureti iko mo mai tomani keimami ena iVakananumi ni mate i Jisu, ena vakayacori tiko ena Sigatabu na ika24 ni Maji, 2024.

Vanua e Caka Kina na iVakananumi