YADRA TIKO!
Cava Era Sega ni Veiyaloni Kina na Lewenivanua?—Cava e Kaya na iVolatabu?
Ena sega tu ga ni rawati na veiyaloni ena nodra sasaga na iliuliu kei vuravura, kei na so na isoqosoqo kilai levu. Ena gauna qo, sa qai levu ga na ivalavala kaukaua ni vakatauvatani ena iKarua ni iValu Levu. E rauta ni le rua na bilioni na lewenivanua e vuravura era tiko ena vanua e caka tu kina na ivalavala kaukaua.
Na cava eda sega ni rawa ni veiyaloni kina? Na cava e kaya na iVolatabu?
Qo e tolu na vuna
1. E levu era vakaraitaka na itovo e vakadredretaka na bula veiyaloni. E parofisaitaka na iVolatabu me baleta na noda gauna, “nira na dau lomani ira ga na tamata, ra na lomana na ilavo, era na dau tukutukuni ira, era na qaciqacia,... sega ni yalodina,... sega ni via okati ena dua na veiyalayalati,... sega ni lewa vinaka na yalodra, era na voravora,... era na domoqa, era na dokadoka.”—2 Timoci 3:2-4.
2. E sega vei keda na kaukaua meda walia yadua, se vakailawalawa na noda leqa. Ena rawati ga ena nona veivuke na Dauveibuli, na Kalou o Jiova. a E kaya na iVolatabu ni “sega ni vu vua na tamata e lako tu me lewa na nona ilakolako.”—Jeremaia 10:23.
3. E lewa tu na vuravura na iliuliu ca o Setani na Tevoro, o koya “e vakacala tiko na vuravura taucoko.” (Vakatakila 12:9) Ena yaco tiko gona na ivalu kei na duiyaloyalo ni se “lewa tiko na vunica na vuravura taucoko.”—1 Joni 5:19.
O cei e rawa ni kauta mai na bula veiyaloni?
E vakadeitaka na iVolatabu ni na sega ni rawati qori ena noda sasaga. Na Kalou ga ena cakava qori.
“‘Niu kila vinaka na ka au nanuma tiko me baleti kemuni,’ e kaya o Jiova, ‘na nanuma moni tikovakacegu moni kua ni rarawa, meu solia vei kemuni na inuinui kei na ka moni namaka ena gauna se bera mai.’”—Jeremaia 29:11.
Ena vakayacora vakacava na Kalou na yalayala qori? “Na Kalou ni vakacegu ena qai butuqaqi Setani.” (Roma 16:20) Io, ena vakayagataka na nona matanitu vakalomalagi me kauta mai na veiyaloni e vuravura raraba. E vakatokai ena iVolatabu me “Matanitu ni Kalou.” (Luke 4:43) E kena Tui o Jisu Karisito, eda na qai vakavulici ena sala meda veiyaloni kina.—Aisea 9:6, 7.
Mo kila eso tale na ka, wilika na ulutaga “Na Cava ena Cakava na Matanitu ni Kalou?”
a Na yaca ni Kalou o Jiova.—Same 83:18.
Rawa ni o Wilika Tale ga
SAUMI NA TARO VAKAIVOLATABU
Na Cava e Dredre Kina na Veiyaloni e Vuravura?
E dreve na sasaga ni tamata ena kena rawati na bula veiyaloni e vuravura. Dikeva na vuna.
VAKAMACALATAKI NA TIKINIVOLATABU
Jeremaia 29:11 iVakamacala—“Au Kila na ka au Nanuma Tiko me Baleti Iko”
E tiko na nona inakinaki na Kalou vei keda yadua?
SAUMI NA TARO VAKAIVOLATABU
Sala Cava ena Vakilai Kina e Vuravura na Vakacegu?
Vulica na ka e yalataka na Kalou me baleta na vakacegu ena kauta mai nona Matanitu.
ESSENTIAL BIBLE TEACHINGS
Na Cava na Matanitu ni Kalou?
Ena cakacaka vakaitalatala i Jisu, e dau vakabibitaka na Matanitu ni Kalou. Sa balavu nodra masulaka tiko na nona imuri me yaco mai na Matanitu qori.
ESO TALE NA ULUTAGA
iNuinui Totoka ena Veigauna se Bera Mai
Cava e duidui kina na ka era yalataka na tamata, kei na ka e yalataka na iVolatabu me baleta na veigauna se bera mai?
BALETI KEIMAMI
Kerea mo Sikovi
Veivosakitaka na isau ni dua na nomu taro mai na iVolatabu, se mo vulica eso tale na ka me baleti ira na iVakadinadina i Jiova.
