Dau Veisautaka na Kalou na Nona Nanuma?
Kena isau vakaivolatabu
Io, e dau veisau ena gauna era dau veisautaka kina na nodra itovo na tamata. Kena ivakaraitaki, ena gauna e vakaroti ira kina na Isireli na Kalou, e kaya: “De ra na rogoca mera dui biuta na nodra ivakarau ca, au na qai veisautaka na noqu nanuma me baleta na ca au nakita meu vakayacora vei ira ena ca ni nodra ivalavala.”—Jeremaia 26:3.
Levu na iVolatabu era vakadewataka na tikinivolatabu qo ni “veivutuni” na Kalou ena nona via totogitaki ira. Qori ena rawa ni nanumi ni a cala na Kalou. Ia na ibalebale ni kena vosa taumada vakaIperiu me “veisautaka na nona nanuma se inaki.” E kaya e dua na dauvakadidike: “Ni veisau na nona itovo e dua, ena veisau tale ga na lewa ni Kalou.”
O koya gona, e rawa ni veisautaka na nona nanuma na Kalou, ia e sega ni kena ibalebale ni dodonu me cakava qori e veigauna. Dikeva eso na ituvaki e volai ena iVolatabu, e sega ni veisautaka kina na nona nanuma na Kalou:
Na Kalou e sega ni vakalaivi Pelaki me veisautaka na Nona nanuma, me cudruvi ira kina na Isireli.—Tiko Voli Mai na Lekutu 23:18-20.
Ni caka ca tiko ga na Tui kei Isireli o Saula, e sa sega ni vakadonui koya na Kalou. E sega tale ga ni veisautaka na nona vakasama.—1 Samuela 15:28, 29.
Ena vakayacora na nona yalayala na Kalou me lesi Luvena me bete tawamudu. Ena sega ni veisautaka na nona nanuma.—Same 110:4.
Vakacava ga ni tukuni tu ena iVolatabu ni sega ni dau veisau na Kalou?
Io, e volai ena iVolatabu ni kaya na Kalou: “O yau o Jiova, au sega ni veisau.” (Malakai 3:6) E volai tale ga kina ni “sega ni dau veiveisau o koya, e sega ni vaka na veitosoyaki ni yaloyalo.” (Jemesa 1:17) Ia qo e sega ni vakacala na ka e kaya na iVolatabu ni dau veisautaka na nona nanuma na Kalou. Ni tukuni ni sega ni dau veisau na Kalou, e kena ibalebale ni sega ni veisau na nona ivakatagedegede ni loloma kei na lewadodonu. (Vakarua 32:4; 1 Joni 4:8) Ia ena rawa ni duidui na ivakaro e solia ni toso na gauna. Kena ivakaraitaki, e duidui na ivakaro e solia vei Tui Tevita ena rua ivalu veitaravi. Ia e qaqa o Tevita ena rua na ivalu qori.—2 Samuela 5:18-25.
E rarawataka na Kalou ni buli keda?
Sega, ia e rarawataka ni levu era sega ni talairawarawa vua. Ni vakamacalataki na veika e yaco ni bera na Waluvu ena gauna i Noa, e kaya na iVolatabu: “E veivutuni o Jiova ni a bulia na tamata ena vuravura, e rarawa kina na lomana.” (Vakatekivu 6:6) Ena tikinivolatabu qo, na vosa “veivutuni” e vu mai na vosa vakaIperiu e kena ibalebale ni sa veisau na nona nanuma me baleta e levu era bula ni bera na waluvu ena levu ni nodra caka ca. (Vakatekivu 6:5, 11) Dina ni rarawataka na nodra digia mera talaidredre, ia e sega ni veisau na nona rai me baleta na kawatamata. Eda kila qori, ni vakabulai Noa kei na nona vuvale ena Waluvu.—Vakatekivu 8:21; 2 Pita 2:5, 9.
Rawa ni o Wilika Tale ga
SAUMI NA TARO VAKAIVOLATABU
Sa Bau Dua e Raica na Kalou?
Vakacava e veisaqasaqa na iVolatabu ni tukuna “e sega ni dua na tamata sa raica na Kalou,” oti e tukuna tale ga ni o Mosese e “raica na Kalou ni Isireli”?
SAUMI NA TARO VAKAIVOLATABU
Cava e Kaya na iVolatabu me Baleta na Galala ni Vakatulewa? Sa Lewa Oti tu na Kalou?
Era vakabauta e levu ni sa lewai oti tu na nodra bula. Vakacava ena vakatau ena ka eda digia na noda rawaka?
NA VALE NI VAKATAWA
Na Cava e Kilai me Baleta Nona iTovo?
Na itovo uasivi cava e kilai me baleta na Kalou?
SAUMI NA TARO VAKAIVOLATABU
O na Rawa Vakacava ni Veitokani kei na Kalou?
Vitu na ka mo cakava mo veiwekani voleka kina kei na Kalou.
IVAKAVUVULI VAKAIVOLATABU
Tovolea na Vuli Qo
Na vuli iVolatabu qo ena sega ni saumi qai tiko e dua mo drau na veivosakitaka na iVolatabu.