Emekeme ndisịn kọlọ ke se okotde ke JW Library m̀mê ke ini adade enye ekpep n̄kpọ.

Nam se itịn̄de ke idak emi edieke oyomde ndisịn kọlọ:

•  Sịn Kọlọ

•  Kpụhọ Kọlọ

Usụn̄ iba odu ndisịn kọlọ ke n̄kpọ.

Akpa, tụk ikọ emi oyomde ndisịn kọlọ mụm kama. Okpoyom ndisịn kọlọ n̄ka nnasia, dụri ekpri blue blue ikop emi ọwọrọde ada ke nnasia ka nnasia. Edieke oyomde ndisịn kọlọ n̄ka ufien, dụri eke ufien ka ufien. Oyokụt n̄kpọ emi enyenede nsio nsio kọlọ ọwọrọde ada ke enyọn̄ oro, tụk ebiet emi okụtde nsio nsio kọlọ do da mek kọlọ emi oyomde ndisịn.

Emekeme n̄ko ndida eto n̄wed kọmputa nsịn kọlọ ke ikọ kiet m̀mê ke udịmikọ. Sịn idiọn̄ọ ke ebiet emi oyomde ndisịn kọlọ nte esinamde ke ata n̄wed. Ke ama akanam emi ama, nsio kọlọ ọyọwọrọ ada. Emekeme ndida mi n̄kpụhọ kọlọ mîdịghe ọsọhi kọlọ emi ekesịnde efep.

Edieke oyomde ndikpụhọ kọlọ ke n̄kpọ, tụk ebiet emi ekesịnde kọlọ oro, nyụn̄ mek kọlọ en̄wen emi amade. Edieke oyomde ndisọhi kọlọ mfep ke n̄kpọ, tụk ebiet emi ekesịnde kọlọ, nyụn̄ tụk n̄kpọ emi adade ekpere akpatre kọlọ man ọsọhi kọlọ emi mûyomke aba efep.