JW LIBRARY
Tọn̄ọ Ndida JW Library Nnam N̄kpọ—Ke Android
JW Library edi emi. Ẹnam enye man ẹsida ẹkot ẹnyụn̄ ẹkpep Bible. Emekeme ndikụt ikpehe kiet kiet ke akpa page esie. Edieke oyomde ndikụt akpa page oro, da nnuenubọk fo tọn̄ọ ke mben ufien dụri ka nnasia, mîdịghe tụk ebiet emi okụtde n̄kpri udịm ita ke enyọn̄-enyọn̄ ubọk ufien.
Bible
Emekeme ndikot Bible nnyụn̄ ndọn̄ mme Bible en̄wen ke ebiet emi okụtde Bible. Tụk n̄wed Bible emi oyomde nyụn̄ tụk ibuot n̄wed emi oyomde ndikot. Nte osụk okotde, emekeme n̄ko ndikụt mme ikọ idakisọn̄, mme itien̄wed en̄wen emi aban̄ade se okotde, ye nte ẹkabarede itien̄wed oro ke mme Bible en̄wen ke ubọk nnasia.
Edieke oyomde ndika itie N̄wed Abasi en̄wen, fiak ka akpa page, nyụn̄ tụk Bible man okụt mme n̄wed Bible.
Se Ẹdọn̄de
Emekeme ndikụt mme n̄wed, mme ikwọ, mme vidio, ye se ẹkotde ẹdọn̄ ke ebiet emi okụtde Publications oro edi, Se Ẹdọn̄de. Tụk n̄wed emi oyomde nyụn̄ tụk ibuotikọ emi oyomde ndikot. Nte osụk okotde, emekeme n̄ko ndikụbọde itie N̄wed Abasi oro ẹsiakde ẹsịn. Ama otụk itie N̄wed Abasi, oyokụbọde ọnọ fi ke ubọk nnasia. Tụk itien̄wed oro edieke oyomde ndikụt ufan̄ikọ oro ke Bible.
Edieke oyomde n̄wed en̄wen, fiak ka akpa page nyụn̄ tụk ebiet emi okụtde Publications, oro edi, Se Ẹdọn̄de, ndien nsio nsio n̄wed ẹyefiak ẹwọrọ ẹdi.
Itien̄wed Usen Mfịn
Edieke oyomde itien̄wed usen mfịn, fiak ka akpa page nyụn̄ tụk ebiet emi okụtde Daily Text, oro edi, Itien̄wed Usen Mfịn.
Ke Intanet
Tụk Online, oro edi, Ke Intanet, man emen fi aka ikpehe Intanet nnyịn.
Kụt Ete ke Emenyene Obufa JW Library Oro Isiode
Mbọk kụt ete ke emenyene obufa JW Library oro isiode.
Mbọk sịn obufa Android emi ekemde ye fon m̀mê tablet fo. Fịk lin̄k emi man okụt se akpanamde: https://support.google.com/nexus/answer/4457705.
Edieke oyomde obufa Android esidụk fon m̀mê tablet fo ke idemesie, ka setting kefik ebiet emi okụtde automatic app updates. Fịk lin̄k emi man okụt se akpanamde: https://support.google.com/googleplay/answer/113412.
