SE BIBLE ETỊN̄DE ABAN̄A | NDINYỊME NNỌ MBON
Ndinyịme Nnọ Mbon En̄wen
Emem oyodu edieke inyịmede ekikere mbon en̄wen, ifende inọ mmọ, inyụn̄ inyịmede mmọ ẹnam n̄kpọ nte mmọ ẹmade. Edi, ndi emi ọwọrọ ke ana inyịme se ededi oro mbon en̄wen ẹnamde?
Nso idin̄wam nnyịn isinyịme inọ mbon oro mîtiehe nte nnyịn?
SE ISIKỤTDE
Ata ediwak owo ke ererimbot mfịn ẹma sụk mbon obio mmọ, mbon ufọkabasi mmọ, ye mbon emi ẹtiede nte mmọ.
SE BIBLE ỌDỌHỌDE
Ke ini Jesus Christ okodude mi ke isọn̄, ata ediwak owo ikamaha mbon oro mîtiehe nte mmọ. Mme Jew ye mbon Samaria ikamaha kiet eken. (John 4:9) Owo ikadaha iban ke n̄kpọ. Ndien mme adaiso ido ukpono mme Jew ẹkesise mbon emi mîdiọn̄ọke ibet ke ndek. (John 7:49) Jesus Christ iketiehe ntem. Mme asua esie ẹkekam ẹdọhọ ẹte: “Owo emi adadara mme anamidiọk onyụn̄ adia n̄kpọ ye mmọ.” (Luke 15:2) Jesus ama ọfọn ido, eme ime, inyụn̄ isuaha mme owo sia enye ikedịghe isọn̄ ndikpe ikpe nnọ mme owo, edi ekedi ndikpep mmọ mban̄a Abasi. Ima akanam enye anam kpukpru emi.
Jesus ikedịghe isọn̄ ndikpe ikpe nnọ mme owo, edi ekedi ndikpep mmọ mban̄a Abasi
Ima esinam nnyịn inyịme inọ mbon en̄wen. Ima esinyụn̄ anam nnyịn iyọ mmọ kpa ye oro mmọ mîfọnke ima. Colossae 3:13 ọdọhọ ete: “Ẹka iso ẹyọ kiet eken ẹnyụn̄ ẹfen kiet eken ke ofụri esịt edieke owo ekededi enyenede ntak nditọhọ ye owo.”
“Akan kpukpru n̄kpọ, ẹnyene ufiop ufiop ima ẹnọ kiet eken, koro ima ofụkde ekese idiọkn̄kpọ.”
—1 Peter 4:8.
Ndi ana isinyịme se ededi oro mbon en̄wen ẹnamde?
SE ISIKỤTDE
Ata ediwak obio ẹnyene ibet. Owo isinyịmeke ẹnam se ẹmama.
SE BIBLE ỌDỌHỌDE
“[Ima] inamke ido eke mîdotke.” (1 Corinth 13:5) Okposụkedi emi Jesus ekesinyịmede mbon en̄wen ẹnam se mmọ ẹmade, enye ikenyịmeke mbubiam ido, mbubịk, ye mme idiọk ido eken. Utu ke oro, enye ama asua ọnọ mbon oro ẹkenamde mme n̄kpọ emi. (Matthew 23:13) Enye ọkọdọhọ ete: “Owo eke anamde mbubiam n̄kpọ asasua un̄wana.”
Apostle Paul ekewet ete: “Ẹsua se idiọkde, ẹyịre ke se ifọnde.” (Rome 12:9) Se enye okonyụn̄ anamde edi oro. Ke uwụtn̄kpọ, ke ini ndusụk mme Jew emi ẹkedide Christian mîkamaha ndidian idem ye mme Christian emi mîkedịghe mme Jew, Paul, emi ekedide eyen Jew, ama ọdọhọ ke se mmọ ẹnamde oro ifọnke. (Galatia 2:
Sia Mme Ntiense Jehovah ẹdide mme Christian, mmọ ẹdu uwem nte Bible etemede. (Isaiah 33:22) Ntem, mmọ isinyịmeke mbon oro ẹkade iso ẹnam idiọkn̄kpọ ẹdu ke otu mmọ. Esop Abasi edi edisana esop, ntre inaha ẹyak mme idiọkowo ẹsabade enye. Oro anam Mme Ntiense Jehovah ẹsinam item Bible emi: “Ẹsio idiọkowo oro ke otu mbufo ẹfep.”
“O mbufo emi ẹmade Jehovah, ẹsua se idiọkde.”
—Psalm 97:10.
Ndi Abasi ayayak idiọkn̄kpọ aka iso ke nsinsi?
SE EDIWAK OWO ẸNỊMDE
Idiọkn̄kpọ esesịne nnyịn ke iyịp, ntre idiọkn̄kpọ iditreke tutu amama.
SE BIBLE ỌDỌHỌDE
Prọfet Habakkuk ọkọbọn̄ akam ọnọ Jehovah Abasi ete: “Ntak emi afo . . . osụk esede idiọkido? Ntak emi nsobo ye afai ẹdude mi ke iso, ntak emi utọk onyụn̄ odude, ntak emi en̄wan onyụn̄ odude?” (Habakkuk 1:3) N̄kpọ emi ama enen̄ede afịna Habakkuk, edi Abasi ama ọdọhọ enye ke imọ iditreke ndikot mme idiọkowo ẹdinam ibat. Abasi ọkọdọhọ ke se imọ itịn̄de emi ‘iditreke ndisu idinyụn̄ ibehe ini.’
Ini ke osụk ododu idahaemi ọnọ mme idiọkowo ndikabade esịt. Jehovah ọdọhọ ete: “Nte n̄kpa idiọkowo adat mi esịt, . . . nte ndatke esịt ke enye ndiwọn̄ọde n̄kpọn̄ mme usụn̄ esie nnyụn̄ ndu uwem?” (Ezekiel 18:23) Mbon oro ẹyomde Jehovah ẹnyụn̄ ẹkabarede esịt ẹnyene idotenyịn. Mme N̄ke 1:33 ọdọhọ ete: “Owo eke okopde uyo mi oyodụn̄ ke ifụre inyụn̄ ikopke ndịk afanikọn̄.”
“Ayak esisịt, idiọkowo ididụhe aba . . . Mbon nsụkidem ẹyeda isọn̄ ẹnyene, ediwak emem oyonyụn̄ adat mmọ esịt.”
—Psalm 37: 10, 11.
Ekeme Ndidi Ayama Mmọ Emi N̄ko
ENYỌN̄-UKPEME
Se Abasi Edinamde Iban̄a Ndiọi N̄kpọ
Ndi akpama ndidu uwem ke ererimbot emi n̄kpọ mîdinamke nti owo?
ENYỌN̄-UKPEME (EKE UKPEPN̄KPỌ)
Nte Afo Emenen̄ede Enyene Edu Ediyọ?
MBỤME EMI ẸSIWAKDE NDIBỤP
Ndi Mme Ntiense Jehovah Ẹsima Mbon Ido Ukpono En̄wen?
Kpep nte ẹdade ima ẹdiọn̄ọ ata mme Christian.
