Psalm 65;1-13
Ẹnọ adausụn̄. Ikwọ David.
65 O Abasi, itoro ye ndopuyo ẹnyene fi ke Zion;+Ẹyenyụn̄ ẹsio akan̄a ẹnọ fi.+
2 O Andikop akam, kpukpru obụkidem ẹyedi ẹbịne fi.+
3 Mme ndudue ẹmekop odudu ẹkan mi.+Amaedi mme ubiatibet nnyịn, afo eyefen mmọ.+
4 Owo emi afo emekde onyụn̄ anamde asan̄a ekpere,+Man enye okpodụn̄ ke mme okụre fo,+ okop inemesịt.Nnyịn iyoyụhọ ye nti n̄kpọ ufọk fo,+Kpa edisana ebiet temple fo.+
5 Afo ayada mme enyene-ndịk n̄kpọ emi afo anamde ke edinen ido ọbọrọ nnyịn,+O Abasi edinyan̄a nnyịn,+Afo edi ibetedem ọnọ kpukpru adan̄a isọn̄ ye mbon oro ẹdụn̄de nsannsan ke inyan̄.+
6 Enye ada odudu esie ọsọn̄ọ owụk mme obot;+Enye ọbọbọ odudu ke idem.+
7 Enye anam uyom inyan̄ odobo,+Uyom mbufụt mmọn̄ ye ndutịme mme idụt.+
8 Ndien mme andidụn̄ ata utịt ikpehe isọn̄ ẹyekop ndịk ẹban̄a mme idiọn̄ọ fo;+Afo amanam usenubọk ye mbubreyo ẹsio n̄kpo idara.+
9 Afo ọmọwọn̄ọde ntịn̄enyịn fo ọnọ isọn̄, man anam enye on̄wụm ekese;+Afo omofori enye etieti.Idịm Abasi ọyọhọ ye mmọn̄.+Afo amanam enye on̄wụm mbun̄wụm,+Koro ntem ke afo ọdiọn̄ isọn̄.+
10 Ẹmebịt mme afan̄ ebono esie, ẹsuan mme ebok ntan esie;+Afo amada ọkpọsọn̄ edịm anam enye emem; afo ọmọdiọn̄ se itịbede ke enye.+
11 Afo amada nti n̄kpọ abana isua,+Isek onyụn̄ ọtọi ke mme usụn̄ fo.+
12 Mme in̄wan̄ mbiet ufene wilderness ẹtọi isek,+Mme obot ẹnyụn̄ ẹbọbọ idara ke idem.+
13 Mme otu ufene ẹmeyọhọ mme in̄wan̄ mbiet,+Wheat ẹnyụn̄ ẹfụk unaisọn̄ itịghede.+Mmọ ẹsio n̄kpo edikan, ih, ẹkwọ ikwọ.+
