John 17;1-26
17 Jesus etịn̄ mme n̄kpọ emi, onyụn̄ emenede enyịn esie ese enyọn̄,+ ọdọhọ ete: “Ete, ini emedi; nọ eyen fo ubọn̄, man eyen fo ọkpọnọ fi ubọn̄,+
2 kpa nte afo ọnọde enye odudu ndikara kpukpru obụkidem,+ man, kaban̄a ofụri ibat owo emi afo ọnọde enye,+ enye ọkpọnọ mmọ nsinsi uwem.+
3 Nsinsi uwem+ ọwọrọ mmọ ndikọ ifiọk+ emi aban̄ade fi, ata Abasi kierakiet,+ ye enye emi afo okosiode ọdọn̄, kpa Jesus Christ.+
4 Mmọnọ fi ubọn̄+ ke isọn̄, sia mma n̄kokụre utom eke afo ọkọnọde mi nnam.+
5 Mmọdo ke emi afo, Ete, nọ mi ubọn̄ oro n̄kenyenede ye afo mbemiso ererimbot ekedide edidu.+
6 “Mmayarade enyịn̄ fo nnọ mme owo emi afo okosiode ke ererimbot ọnọ mi.+ Mmọ ẹkedi okwo, ndien afo akayak mmọ ọnọ mi, ndien mmọ ẹmenam ikọ fo.
7 Mmọ ẹdifiọk idahaemi ẹte ke kpukpru n̄kpọ emi afo ọkọnọde mi ẹto fi;
8 koro mma nyak mme ikọ emi afo ọkọnọde mi nnọ mmọ,+ mmọ ẹnyụn̄ ẹbọ mmọ ẹnyụn̄ ẹtịm ẹfiọk ẹte n̄kọwọrọ ndi nte andida ke ibuot fo,+ mmọ ẹnyụn̄ ẹnịm ke akpanikọ ẹte ke afo okosio mi ọdọn̄.+
9 Mmeben̄e mban̄a mmọ; mben̄eke mban̄a ererimbot,+ edi mben̄e mban̄a mbon oro afo ọkọnọde mi; koro mmọ ẹdi okwo,
10 kpukpru se idide okịm ẹdi okwo, se idide okwo ẹnyụn̄ ẹdi okịm,+ ẹmenyụn̄ ẹnọ mi ubọn̄ ke otu mmọ.
11 “N̄ko, ami ndụhe aba ke ererimbot, edi mmọ ẹdu ke ererimbot+ ndien ami ke nnyọn̄ ntiene fi. Edisana Ete, da enyịn̄ fo kpeme mmọ+ emi afo ọkọnọde mi, man mmọ ẹkpedi kiet kpa nte nnyịn idide kiet.+
12 Ke ini n̄kodude ye mmọ mma n̄kpeme mmọ+ ke ntak enyịn̄ fo emi afo ọnọde mi; mma nnyụn̄ n̄kama mmọ, ndien baba owo mmọ kiet ikatakke+ ke mîbọhọke eyen nsobo,+ man N̄wed Abasi okposu.+
13 Edi ke emi ami ke nnyọn̄ ntiene fi, ndien ntịn̄ mme n̄kpọ emi ke ererimbot man mmọ ẹkpenyene idatesịt mi ke idemmọ ọyọhọ ọyọhọ.+
14 Ami mma nyak ikọ fo nnọ mmọ, edi ererimbot amasua+ mmọ, koro mmọ mîdịghe ubak ererimbot, kpa nte ami mmendịghe ubak ererimbot.+
15 “Mben̄eke nte osio mmọ ke ererimbot, edi mben̄e nte ekpeme mmọ ke ntak andidiọk.+
16 Mmọ idịghe ubak ererimbot,+ kpa nte ami mmendịghe ubak ererimbot.+
17 Da akpanikọ nam mmọ ẹsana;*+ ikọ+ fo edi akpanikọ.+
18 Kpa nte afo okosiode mi ọdọn̄ ke ererimbot, kpa ntre ke ami nsio mmọ ndọn̄ ke ererimbot.+
19 Ami ke nnam idemmi asana ke ibuot mmọ, man ẹkpeda akpanikọ n̄ko ẹnam mmọ ẹsana.+
20 “Mben̄eke mban̄a mmọ emi ikpọn̄, edi mben̄e n̄ko mban̄a mmọ emi ẹbuọtde idem ye ami ebe ke ikọ mmọ;+
21 man kpukpru mmọ ẹkpedi kiet,+ kpa nte afo Ete abuanade n̄kpọ ye ami, ami nnyụn̄ mbuanade n̄kpọ ye afo,+ man mmọ n̄ko ẹkpebuana n̄kpọ ye nnyịn,+ man ererimbot ekpenịm ke akpanikọ ete ke afo okosio mi ọdọn̄.+
22 N̄ko, ami mmọnọ mmọ ubọn̄ emi afo ọkọnọde mi, man mmọ ẹkpedi kiet kpa nte nnyịn idide kiet.+
23 Ami mbuana n̄kpọ ye mmọ, afo onyụn̄ abuana n̄kpọ ye ami, man mmọ ẹkpefọn ẹma ẹkabade ẹdi kiet,+ man ererimbot ọkpọfiọk ete ke afo okosio mi ọdọn̄ ye nte ke afo amama mmọ kpa nte afo akamade mi.
24 Ete, amaedi se afo ọkọnọde mi, n̄kpama nte, ke ebiet eke ndude, mmọ ẹdu do n̄ko ye ami,+ man mmọ ẹkpekụt ubọn̄ oro afo ọkọnọde mi, koro afo akamade mi mbemiso ntọn̄ọ+ ererimbot.+
25 Edinen+ Ete, ererimbot ifiọkke fi;+ edi ami mmọfiọk fi, mmọ emi ẹnyụn̄ ẹfiọk ẹte ke afo okosio mi ọdọn̄.+
26 Ami mmonyụn̄ nnam mmọ ẹfiọk enyịn̄ fo+ nyonyụn̄ nnam mmọ ẹfiọk, man ima oro afo akamade mi okpodu ye mmọ, ami n̄kponyụn̄ mbuana n̄kpọ ye mmọ.”+
Mme Ikọ Idakisọn̄
^ M̀mê, “dian̄ade nịm nọ Abasi.”
