Ðe Nɔƒe Aɖe Koŋ Le Mawu Sia?
Ale si Biblia ɖo eŋui
Ɛ̃. Nɔƒe aɖe koŋ le Mawu si, eyae nye dziƒowo. Ðe ŋugble tso Biblia me nuŋlɔɖi siawo ŋu kpɔ:
Salomo gblɔ le gbedodoɖa me be: “Nàsee le nɔwòƒe le dziƒo.”—1 Fiawo 8:43.
Yesu fia eƒe nusrɔ̃lawo be woado gbe ɖa na wo “Fofo si le dziƒowo.”—Mateo 6:9.
Esi wofɔ Yesu ɖe tsitre la, “dziƒo ŋutɔŋutɔ wòge ɖo, bene wòado ɖe Mawu ŋutɔ ŋkume.”—Hebritɔwo 9:24.
Mawunyakpukpui siawo ɖee fia be ame ŋutɔŋutɔe Yehowa Mawu nye eye be mele afi sia afi o, ke boŋ dziƒo koe nye enɔƒe.