˗Yö dɔ kö Yesu ˗yö ga, ˗ya ˗pö: “ˈWɔn ˗taɔng ˗së ˈö ˗gban ˗Zlan ˗bha ˗gblüdëdhɛ ˗wɔn ˗bha bha ˗wo ˗dho ˗a ˗dhiang zë ˈˈsɛ ꞊gban ˈˈpɛpɛ ˈgü kö mɛ ꞊gban ˈˈpɛpɛ ˈˈtʋ ˗yö ˗da n ˗wɔn ˈgü. Yö ꞊në ꞊ya bo ˗kë ˈˈdhʋ̈ ˗sü ˈka ˈˈpɛɛpɛdhö, ˈyö ˈˈkpʋngtaadhɛ ˈˈdhiʋ̈ yöö ˈto ˈyö gun ˗na ˈto.” (Matiö 24:14) ˈˈKɛɛ ˗zlanwopö ˗yö ˈö ˈˈsɛ ˗todhʋ̈sü ˈgü bhë, ˗yö ˗dho yökodhiʋ̈ ˗kɔ ˗kë ꞊dhɛ? ˗Yö ˗dho kë ˗ʒiö ˈwɔnzuan ˈö Yesu ya ˗to, ˗a ˈˈpiʋ̈ ˗sü ˈka.—Dhukö 8:1.

Yi ˗zlanwopö ˈkɔ ˈgü ˈkɔ ˈgü. Yesu ˗yö ö ˗bha gwëëzë ˗nu ꞊klaŋ ˗kë kö ˗wo ˈwɔn ˗taɔng ˗së pö ˈkɔ ˈgü ˈkɔ ˈgü. (Matiö 10:11-13; Këwɔn ˗nu 5:42; 20:20) ˗Dhɛ kpɛnŋdhö ˈö Kletiɛn ꞊blɛɛsü ˗nu ˗dho ˗zlanwopö ˗a ˗bha, ˗yö ˗kë ˗dhö. (Matiö 10:5, 6; 2 Kodhɛngtö 10:13) ˗Kɔ do bhë˗ ˈka ˈpö ꞊dɛɛ, yi bha ˗zlanwopösü ˗yö baaˈˈ ˗sü ˈka. ˗Zlanwokɔdhi ˗dhɛ ˈö ˈdhö, ˗a ˗bha ˗zlanwopödhɛ ˗yö ˗dhö. ˗A ˗kë ˈˈdhʋ̈ ˗sü ˗yö yi ˗takun kö ˗yö ˈö Yesu ˗ya dɔ yi ˗kɔ ˈka ˈö ˗kë ‘ˈwɔn ˗taɔng ˗së ˗pö mɛn ˗nu ˗dhɛ ˗sü ˈka’ bhë, ˈyi˗ kë.

Yi ˗zlanwopö ˗dhɛ ˈˈpɛpɛ ˈö mɛn ˗nu ˈwo mü, ˗a ˈgü. Yesu ˗yö ˗zlanwopö mɛn ˗nu ˗dhɛ ˈˈdhɛɛtadhɛ ˗nu, ˈˈyi ˈˈkpʋŋ ˈˈdhiʋ̈ ˗dhɛ waa ˈklɔŋ ˈˈsuee ˗dhɛ ˗nu ˈgü. (Makö 4:1; Zan 4:5-15) Yi ˈto ˗a ˗bha ˈwɔnzuan ˈˈpiʋ̈ ˗zlanwopö ˗sü ˈka ˗dhɛ ˈˈpɛpɛ ˈyi ˗kpan mɛn ˗nu ˗bha mü, ˗a ˗dhɛ ˈgü: Yi ˗zlanwopö ˗kpinŋ ˈˈpiʋ̈, mɛn ˗nu ˗bha yö ˈˈdhiʋ̈, ˗tɛɛpadhɛ ˗nu ˈgü. ˈYi˗ pö ˗ʒiaanwo telefɔnö ˈˈdhiʋ̈. Yi ˗zlanwopö yi ˗züzümɛn ˗nu, yi ˈˈtɛɛdo ˗nu, yi yökëyoo ˗nu waa yi ˗bha ˈkɔdhigümɛn ˗nu ˗dhɛ ˈpö. Yi ˗bha ˈgü dɔ ˈˈgbɩɩ˗ ˗sü ˈsaa˗ ˈgü, mɛn ˈˈmliɲɔn ꞊va ˈwo ˈˈsɛ ˗todhʋ̈sü ˗ta ˗wa ‘ˈwɔn ˗taɔŋ ˗së ˈö mɛn dha’ bhë, ˗a man.—Psaume 96:2.

De ˈü˗ ˈˈpiʋ̈ kö ˈwɔn ˗taɔŋ ˗së ˈö ˗gban ˗Zlan ˗bha ˗Gblüdëdhɛ ˗bha bhë, ˈü˗ pö ˗a ˗dhɛ? ˈBha ˈdho ˈwɔn ˗taɔŋ ˗së ˈö ˗zoyödhe nu mɛn ˗dhɛ bhë, ˗a ˈto bhii do ü zuʋ̈ˈˈ ˈˈpiʋ̈. ˗A ˈwɔn blɛɛˈˈ mɛn ˈˈwɛɛ ˗nu ˗dhɛ ˈˈvanvandhö.

• “ˈWɔn ˗taɔng ˗së” ˗mɛɛn ˈö kwa dua ˈdhö ˗mü kö ˈkwa˗ pö?

• Yesu ˗bha ˗zlanwopö ˗kɔ suu ˗mɛɛn ˈö Zoova ˗bha ꞊Gbɛkiö ˗nu ˈwo ʒiö ˗a ˈˈpiʋ̈?